Pecosrivier
| Pecosrivier | |
|---|---|
 | |
 Die stroomgebied van die Pecosrivier. | |
| Oorsprong | Pecos-waterval naby Santa Fe (Nieu-Meksiko, Verenigde State) |
| Monding | op die Amerikaans-Meksikaanse grens Rio Grande |
| Stroomgebied | Nieu-Meksiko en Texas (Verenigde State) |
| Lengte | 1 490 km (926 myl)[1] |
| Oorspronghoogte | 3 584 m (11 759 vt) |
| Mondinghoogte | 340 m (1 115 vt) |
| Gemiddelde afloop | 7,5 m³/s (265 vt³/s)[2] |
| Stroomgebiedopp. | 115 000 km² (44 402 myl²)[1] |
 Kaart van die Pecosrivierbekken in Noord-Amerika.
| |
Die Pecosrivier (Engels: Pecos River; Spaans: Río Pecos) is 'n groot suid-vloeiende rivier in die Verenigde State. Die Pecosrivier het 'n lengte van 1 490 km en is die grootste sytak van die Rio Grande; albei riviere vloei vir 'n groot deel parallel langs mekaar.
Die Pecosrivier ontspring uit die Pecos-waterval naby Santa Fe, Nieu-Meksiko, vloei in 'n suidoostelike rigting tot by Fort Sumner, waarvandaan dit in 'n suidelike rigting begin vloei. Die Pecosrivier bereik Roswell, bekend vir die Roswell-voorval. Verder suid bereik die rivier die deelstaat Texas, waar dit weer in 'n suidoostelike rigting begin vloei. Op die grens tussen die Verenigde State en Meksiko mond die Pecosrivier in die Rio Grande uit. Hier is die Rio Grande opgedam en vorm die Amistaddam.
Die naam "Pecos" is afgelei van die inheemse taal Keresan-woord vir die Pecos Pueblo, [p'æyok'ona].[3] Na die rivier is voorheen deur die Mescalero-volk ook as Río Natagés verwys.[4]
Verwysings
[wysig | wysig bron]- ↑ 1,0 1,1 (en) Kammerer, J.C. (1987). "Largest Rivers in the United States". United States Geological Survey. Besoek op 15 Julie 2006.
- ↑ (en) "Water Bulletin Number 75: Flow of the Rio Grande and Related Data; From Elephant Butte Dam, New Mexico to the Gulf of Mexico". Internasionale Grens- en Waterkommissie. 2005. Geargiveer vanaf die oorspronklike op 18 April 2020. Besoek op 17 Julie 2010.
- ↑ (en) Bright, William (2004). Native American placenames of the United States. University of Oklahoma Press. p. 375. ISBN 978-0-8061-3598-4. Besoek op 11 April 2011.
- ↑ (en) "Spanish Missions, Presidios, and Roads in the 17th and 18th Centuries". Universiteit van Texas. Besoek op 5 Augustus 2020.
Eksterne skakels
[wysig | wysig bron]
Wikimedia Commons het meer media in die kategorie Pecosrivier.- (en) "Pecos River". Encyclopædia Britannica. Besoek op 5 Augustus 2020.
