Poetin – choeilo!

"Poetin – choeilo", graffiti in Loehansk.

"Poetin – choeilo!" (Oekraïens: Пу́тін — хуйло́; Russies: Пу́тин — хуйло́, wat vertaal kan word as "Poetin is 'n pielnek!")[1] is 'n Oekraïense en Russiese slagspreuk wat president Wladimir Poetin bespot. Dit het in Maart 2014, aan die begin van die oorlog tussen dié twee lande, in Oekraïne ontstaan uit 'n sokkerliedjie deur fanatici aanhangers van FC Metalist Kharkiv en Shaktar Donetsk. Die frase het wydverspreid geraak in Oekraïne onder voorstanders van Oekraïense onafhanklikheid en onder mense in albei lande wat teen Poetin en die Russiese inval van 2022 in Oekraïne is.

Etimologie

[wysig | wysig bron]
'n Voertuig met die registrasienommer PTN CHLO.
"ПТН Х̆ЛО" (PTN CHLO), gemaak van plakkers "Moenie Russiese goedere koop nie!"

Die kern van die mat-vloekwoord is die Russiese woord хуй ("piel" in Russies, Oekraïens en Belarussies). Met die agtervoegsel "-lo" kan dit vertaal word as "pielnek", "fokker" of soortgelyke vloekwoorde. Die woord is dieselfde in die drie tale.

In Mei 2014 is in media berig die Russiese vloekwoord choei is tot die Urban Dictionary gevoeg as sinoniem vir Wladimir Poetin.[2][3][4]

'n Afkorting met 'n soortgelyke suggestiewe betekenis is ПТН ПНХ" (PTN PNCh), wat staan vir Путин, пошёл на хуй (Poetin, posjol na choei, "Poetin, fok weg.")[5]

Die frase Poetin – choeilo! het weer gewild geword tydens die Russiese inval van 2022 in Oekraïne.[6][7]

Verwysings

[wysig | wysig bron]
  1. ↑ "Ukraine minister's abusive remarks about Putin spark diplomatic row". The Guardian. 15 Junie 2014. Geargiveer vanaf die oorspronklike op 15 Junie 2014.
  2. ↑ "Статья Путин "huylo" появилась в американском словаре сленга" (in Russies). MR7. 30 Mei 2014. Geargiveer vanaf die oorspronklike op 14 Julie 2014. Besoek op 30 Mei 2014.
  3. ↑ "Благодаря песне про Путина в английском языке появилось слово "huylo"" [Thanks to the chant about Putin, the word "huylo" appeared in English language] (in Russies). Vlasti.net. 17 Junie 2014. Geargiveer vanaf die oorspronklike op 14 Julie 2014. Besoek op 23 Junie 2014.
  4. ↑ "Американський словник згадав Путіна, пояснюючи слово "huylo"". Ukrayinska Pravda (in Oekraïens). 30 Mei 2014. Geargiveer vanaf die oorspronklike op 14 Julie 2014. Besoek op 23 Junie 2014.
  5. ↑ "Украинцы не жалеют денег на именные номера "ПТН ПНХ" (фото) - Факти". Fakty.ictv.ua. 8 Mei 2014. Geargiveer vanaf die oorspronklike op 4 Maart 2016. Besoek op 19 November 2017.
  6. ↑ "Ukrainian brewery owner making bombs instead of beer". Fox News. Besoek op 28 Februarie 2022.
  7. ↑ "Pravda Brewery team is hand-bottling today". Yuri Zastavny on Instagram. 26 Februarie 2022. Besoek op 28 Februarie 2022 – via Instagram.

Skakels

[wysig | wysig bron]