Porsche Cayman
Inleiding
[wysig | wysig bron]Die Porsche Cayman is 'n sportmotor wat deur Porsche AG vervaardig word. Die Cayman is deur Porsche geposisioneer om die gaping tussen die Porsche Boxster en Porsche 911 te vul. Die Cayman is in werklikheid 'n koepeemodel van die Porsche Boxster. Kenmerkend aan die Porsche Cayman is die middelenjinuitleg, in teenstelling met die Porsche 911 waar die enjin agter die agteras geplaas is. Die Porsche Cayman het agterwielaandrywing.
Eerste geslag
[wysig | wysig bron]_-_Front.jpg)
Porsche het die Cayman S aanvanklik in 2005 bekendgestel. Dit was tegnies gebaseer op die tweedegeslag Boxster S. Die Cayman S het 'n 3,4-liter 6-silinder boxerenjin met 295 pk se krag en 'n maksimum wringkrag van 340 Nm. Sy versnelling van 0-100 km/h duur 5,4 sekondes en die topsnelheid behaal is 275 km/h. Die Cayman S weeg 1340 kg.
Na die vrystelling van die Cayman S volg die "basis" Cayman in 2006. Dié is voorsien van 'n 2,7-liter 6 silinder bokserenjin wat 245 pk lewer met 'n maksimum wringkrag van 273 Nm. Sy versnelling van 0-100 km/h neem 6,1 sekondes en die topsnelheid is 258 km/h. Die Cayman weeg 1300 kg.
Opknapping
[wysig | wysig bron]Die Cayman ondergaan vroeg in 2009 'n opknapping. Die verskille aan die buitekant was egter min. Die Cayman is voorsien van nuwe kopligte wat deur die Carrera GT geïnspireer is. Die misligte is na buite verplaas en is voorsien van LED-verligting. Die agterligte het meer dinamies geword en die diffuser is ook aangepas.
Ook op enjinvlak is verskeie wysigings ingevoer. Die enjinverplasing van die standaard Cayman is vergroot tot 2,9 liter. Die enjinverplasing van die Cayman S het dieselfde gebly, maar die enjin is voorsien van direkte brandstofinspuiting. Die enjins is kragtiger en suiniger as die eerste geslag.
Porsche verskaf vanaf modeljaar 2009 die Cayman ook met die nuwe PDK-ratkas. Danksy die dubbele koppeling skakel dié Cayman-variant vinniger oor as sy voorganger, die vyfgang-Tiptronic. Die sewegang-dubbelkoppelaarratkas (PDK) in kombinasie met wegtrekbeheer maak dit moontlik om met 'n Cayman S in 4,9 sekondes tot 100 km/h te versnel en in 10,9 sekondes tot 160 km/h.
Tweede geslag
[wysig | wysig bron].jpg)
Die tweede geslag Cayman (modeljaar 2013) is in 2012 vrygestel. Die buitekant van die Cayman is opgeknap en die wielbasis het ook langer geword.
Die "gewone" Cayman het 'n 2,7-liter sessilinderbokserenjin met 275 pk se krag en 'n maksimum wringkrag van 290 Nm. Sy versnelling van 0-100 km/h neem 5,7 sekondes en behaal 'n topsnelheid 266 km/h. Die opsionele sewegang-dubbelkoppelaarratkas (PDK) in kombinasie met die opsionele Sport Chrono-pakket verbeter die versnelling van 0-100 km/h tot 5,4 sekondes. Die basis Cayman weeg 1285 kg.
Die Cayman S het 'n 3,4-liter sessilinderbokserenjin wat 325 pk lewer en 'n maksimum wringkrag van 370 Nm. Die versnelling van 0-100 km/h neem 5,0 sekondes en die topsnelheid is 283 km/h. Die opsionele sewegang-dubbelkoppelaarratkas (PDK) in kombinasie met die opsionele Sport Chrono-pakket verbeter die versnelling van 0-100 km/h tot 4,7 sekondes. Die Cayman S weeg 1 295 kg.
Porsche Cayman GT4 en GT4 Clubsport
[wysig | wysig bron]
In 2015 bring Porsche die GT4 uit, 'n motor met 'n 3,8 liter enjin wat 385 pk lewer. Die maksimum wringkrag is 420 Nm. Opmerklik is dat die motor slegs met 'n 6-ganghandratkas beskikbaar is en nie met PDK nie. Versnelling tot 100 km/h neem 4,4 sekondes en die topspoed is 295 km/h. Die Cayman GT4 weeg 1 340 kg.
Sien ook
[wysig | wysig bron]| Hierdie artikel is in sy geheel of gedeeltelik vanuit die Nederlandse Wikipedia vertaal. |
