Pous Bonifatius V

Pous Bonifatius V
Pontifikaat begin 23 Desember 619
Pontifikaat eindig 25 Oktober 625
Voorganger Deusdedit
Opvolger Honorius I
Gebore
Napels, Italië
Sterf 25 Oktober 625
Rome, Italië
Ander pouse genaamd Bonifatius

Bonifatius V was die 69ste pous van die Rooms-Katolieke Kerk.

Biografie

[wysig | wysig bron]

Pous Bonifatius V is gebore in Napels. Op 23 Desember 619 volg hy Pous Deusdedit op en regeer tot sy dood op 25 Oktober 625. Hy word opgevolg deur Pous Honorius I. Die naam ‘Bonifatius’ beteken 'weldoener'.

Pontifikaat

[wysig | wysig bron]

Pous Bonifatius V het 'n dekreet uitgevaardig dat kerke toevlugsoorde ("sanctuaries") vir misdadigers moes wees. Hy gee kerklike verteenwoordigers die opdrag keiserlike wette insake testamente te respekteer. Hy skryf voor dat akoliete nie die relieke van martelare mag oordra nie en dat hulle ook nie die plek van diakens mag inneem by die doop nie. Bonifatius het die begraafplaas van Sint Nicodemus op die Via Nometane laat klaar maak en wy dit ook in.

Eerwaarde Bede maak melding van die pous se diepgaande belangstelling vir die Engelse kerk. Hy het Kantelberg tot aartsbisdom verhef. Die briewe wat hy glo aan aartsbiskop Mellitus van Kantelberg en aan biskop Justus van Rochester geskryf het, het nie bewaar gebly nie. In 'n brief aan Justus, toe hy in 624 vir Mellitus opvolg, dra hy die biskoplike pallium formeel aan hom oor en gee hom opdrag om biskoppe te wy waar nodig.

Volgens Bede skryf Bonifatius ook 'n brief aan koning Edwin van Northumbriëë, waarin hy die koning aanspoor om hom tot die Christendom te bekeer. Sy vrou Ethelberga van Kent wat reeds Christen was, word daarin aangespoor om hom te oorreed.

Bibliografie

[wysig | wysig bron]
  • Bede. Historia ecclesiastica gentis Anglorum
  • Gasquet, Francis Aidan. A Short History of the Catholic Church in England, 19
  • Gregorovius, Ferdinand. II, 113
  • Hunt, William. The English Church from Its Foundation to the Norman Conquest. Vol. 1. "A History of the English Church", W. R. W. Stephens and William Hunt, ed. London: Macmillan and Co., 1912. 49, 56, 58
  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
  • Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0500017980.

Eksterne skakels

[wysig | wysig bron]
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Nota

[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia.

Opvolging

[wysig | wysig bron]
Voorafgegaan deur
Deusdedit 		Pous (Pontifex Maximus)
619 – 625 		Opgevolg deur
Honorius I