Pous Clemens II

Pous Clemens II
Geboortenaam	Suidger von Morsleben und Hornburg
Pontifikaat begin	24 Desember 1046
Pontifikaat eindig	9 Oktober 1047
Voorganger	Gregorius VI
Opvolger	Benedictus IX
Gebore	± 1005 Morsleben, Duitsland
Sterf	9 Oktober 1047 Pesaro, Italië
Ander pouse genaamd Clemens

Clemens II was die 149ste pous van die Rooms-Katolieke Kerk.

Biografie

Pous Clemens II is gebore as Suidger von Morsleben und Hornburg ongeveer in 1005 in Morsleben, Duitsland, die seun van graaf Konrad von Morsleben und Hornburg en sy vrou Amulrada, dogter van graaf Erpo von Padberg. Suidger was verbonde aan die hof van keiser Hendrik III en word in 1040 biskop van Bamberg. Op 24 Desember 1046 volg hy Pous Gregorius VI op en regeer tot sy dood op 9 Oktober 1047. Hy word opgevolg deur Pous Benedictus IX. Die naam ‘Clemens’ beteken 'sagmoedige'.

Pontifikaat

Pous Clemens II is verkies op aandrang van koning Hendrik III nadat Adelbert, aartsbiskop van Hamburg-Bremen en ab Odilo van Cluny die aanstelling geweier het. Na sy verkiesing kroon hy dan ook dadelik Hendrik as keiser van die Heilige Romeinse Ryk. Daar was heelwat kritiek op sy verkiesing maar Clemens het begin om die bestuur van die kerk te verbeter, veral deur dekrete teen simonie tydens die sinode in Januarie 1047. Clemens is oorlede in Oktober 1047 in die klooster van Sint Thomas in Pesaro en begrawe in Bamberg, Duitsland. Onlangse nadoodse ondersoeke het bewys dat die pous vergiftig is met loodsuiker (Lood (II) asetaat).^[1] Dit is egter nie duidelik of hy vermoor is nie omdat loodsuiker in die tyd dikwels gebruik is as geneesmiddel teen veneriese siektes en ook om wyn te versoet. Clemens is die enigste pous wat noord van die Alpe begrawe is.

Bibliografie

• Georg Gresser: Clemens II. – der erste deutsche Reformpapst, Paderborn 2007.
• Johannes Kist: Fürst- und Erzbistum Bamberg. Bamberg 1962, bl. 26.
• Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
• Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Verwysings

1. "Clement II." Encyclopædia Britannica. 2008. Encyclopædia Britannica Online. 17 Junie 2008 <http://www.britannica.com/eb/article-9024306^{[dooie skakel]}>

Eksterne skakels

• CE Inskrywing in die Catholic Encyclopedia (Engels)

• CF Inskrywing in die Catholic Forum (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

• GM Inskrywing in die Genealogie van die Middeleeue (Duits)

Nota

Saamgestel en vertaal uit die Nederlandse, Engelse, Duitse en Franse Wikipedia en aangevul uit ander bronne soos aangedui.

Opvolging

Voorafgegaan deur Eberhard I	Biskop van Bamberg 1040 – 1047	Opgevolg deur Hartwig
Voorafgegaan deur Gregorius VI	Pous (Pontifex Maximus) 1046 – 1047	Opgevolg deur Benedictus IX