Pous Theodorus I

Pous Theodorus I
Pontifikaat begin 24 November 642
Pontifikaat eindig 14 Mei 649
Voorganger Johannes IV
Opvolger Martinus I
Gebore
Jerusalem, Palestina
Sterf 14 Mei 649
Rome, Italië
Ander pouse genaamd Theodorus

Theodorus I was die 73ste pous van die Rooms-Katolieke Kerk.

Biografie

[wysig | wysig bron]

Pous Theodorus I was van Griekse afkoms, gebore in Jerusalem. Sy pa se naam was ook Theodorus en hy was biskop van Jerusalem. Op 24 November 642 volg hy Pous Johannes IV op en regeer tot sy dood op 14 Mei 649. Hy word opgevolg deur Pous Martinus I. Die naam ‘Theodorus’ beteken 'gawe van God'.

Pontifikaat

[wysig | wysig bron]

Pous Theodorus I se pontifikaat word gekenmerk deur die voortgesette stryd teen die Monotelitisme. Die Bisantynse patriarg Pyrros I word deur hom erken omdat hy (Pyrros) ook die Monotelitisme verwerp het, maar toe Pyrros na Konstantinopel terugkeer verval hy weer in Monotelitisme en die pous verban hom en ook sy opvolger Paulus II.

Theodorus stuur biskop Stefanus van Dor na Palestina om die verskeuring van die Kerk daar te voorkom. Hy berei ook die konsilie van Laterane in 649 voor, waar Monotelitisme veroordeel sou word, maar sterf voor die begin van die konsilie.

In die pouslike biografieë word die pous geloof vir sy barmhartigheid, vrygewigheid en mildheid asook sy standvastigheid in die teologiese stryd met Konstantinopel. Die pous is in die Sint Pieterskerk begrawe.

Bibliografie

[wysig | wysig bron]
  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
  • Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0500017980.

Eksterne skakels

[wysig | wysig bron]
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Nota

[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia.

Opvolging

[wysig | wysig bron]
Voorafgegaan deur
Johannes IV 		Pous (Pontifex Maximus)
642 – 649 		Opgevolg deur
Martinus I