Propranolol

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.
Propranolol
Chemie
Chemiese formule C16H21NO2
Molêre massa 259.34 g/mol
CAS-nommer 525-66-6
Farmakokinetika
Roetes van toediening Oraal, rektaal,
intraveneus
Metabolisme Lewer (grootliks)
Halfleeftyd 4 tot 5 uur
Bal-en-stokkiemodel van propranolol

Definisie en mediese gebruike

[wysig | wysig bron]

Propranolol is 'n beta-blokkermedikasie.[1] Dit word gebruik om hoë bloeddruk te behandel, en ook onreëlmatige hartklop, tirotoksikose, kapillêre heemangiomas, prestasie-angs, en noodsaaklike bewing.[1][2][3] Dit word gebruik om migraine te voorkom, en om verdere hartprobleme in diegene met angina of vorige hartaanvalle te voorkom.[1] Dit kan per mond geneem word of deur 'n aarinspuiting. Die orale formulering is beskikbaar in kort- en langwerkende weergawes. Propranolol verskyn in die bloed na 30 minute en het 'n maksimum (piek)-effek tussen 60 en 90 minute indien dit per mond ingeneem is.[1][4]

'n Verlengde-vrystelling kapsule met 80 mg propranolol
10 mg en 40 mg propranololtablette

Newe-effekte

[wysig | wysig bron]

Algemene newe-effekte sluit in naarheid, abdominale pyn en hardlywigheid. Dit moet nie gebruik word deur persone met 'n reeds stadige hartklop of hartversaking nie. Indien die medikasie vinnig gestaak word deur diegene met koronêre hartsiekte, kan simptome vererger. Dit kan die simptome van asma vererger. Versigtigheid word aanbeveel in diegene met lewer- of nierprobleme.[1] Propranolol kan moontlik nadelige gevolge vir die baba inhou, indien tydens swangerskap geneem word.[5] Die gebruik daarvan tydens borsvoeding is waarskynlik in orde, maar die baba moet gemonitor word vir newe-effekte.[6] Dit is 'n nie-selektiewe betablokker wat werk deur die blokkering van β-adrenerge reseptore.[1]

Geskiedenis en koste

[wysig | wysig bron]

Propranolol is in 1964 ontdek.[7][8] Dit is op die Wêreldgesondheidsorganisasie se lys van noodsaaklike medisyne, die belangrikste medikasie wat nodig is in 'n basiese gesondheidstelsel.[9] Propranolol is lank reeds beskikbaar as 'n generiese medikasie.[1] Die groothandelprys in die ontwikkelende wêreld is tussen VS$ 0.24 en 2.16 per maand sedert 2014,[10] maar in die Verenigde State kos dit sowat $15 per maand teen 'n tipiese dosis.[1]

Verwysings

[wysig | wysig bron]
  1. ↑ 1,0 1,1 1,2 1,3 1,4 1,5 1,6 1,7 "Propranolol hydrochloride". Monograph (in Engels). The American Society of Health-System Pharmacists. Geargiveer vanaf die oorspronklike op 19 Mei 2020. Besoek op 1 Januarie 2015.
  2. ↑ Davidson, JR (2006). "Pharmacotherapy of social anxiety disorder: what does the evidence tell us?". The Journal of clinical psychiatry. 67 Suppl 12: 20–6. PMID 17092192.
  3. ↑ Chinnadurai, S; Fonnesbeck, C; Snyder, KM; Sathe, NA; Morad, A; Likis, FE; McPheeters, ML (Februarie 2016). "Pharmacologic Interventions for Infantile Hemangioma: A Meta-analysis". Pediatrics. 137 (2). PMID 26772662.
  4. ↑ Bryson, Peter D. (1997). Comprehensive review in toxicology for emergency clinicians (3de uitgawe uitg.). Washington, DC: Taylor & Francis. p. 167. ISBN 9781560326120.
  5. ↑ "Prescribing medicines in pregnancy database". Australiese Regering (in Engels). 3 Maart 2014. Geargiveer vanaf die oorspronklike op 9 Oktober 2014. Besoek op 22 April 2014.
  6. ↑ Gerald G. Briggs, Roger K. Freeman, Sumner J. Yaffe (2011). Drugs in pregnancy and lactation: a reference guide to fetal and neonatal risk (9de uitgawe uitg.). Philadelphia: Wolters Kluwer Health/Lippincott Williams & Wilkins. p. 1226. ISBN 9781608317080.{{cite book}}: AS1-onderhoud: meer as een naam (link)
  7. ↑ Russell, RM (Januarie 2004). "The enigma of beta-carotene in carcinogenesis: what can be learned from animal studies". The Journal of Nutrition. 134 (1): 262S–268S. PMID 14704331.
  8. ↑ Ravina, Enrique (2011). The evolution of drug discovery: from traditional medicines to modern drugs (1ste uitgawe uitg.). Weinheim: Wiley-VCH. p. 331. ISBN 9783527326693.
  9. ↑ "WHO Model List of EssentialMedicines" (PDF). Wêreldgesondheidsorganisasie. Oktober 2013. Besoek op 22 April 2014.
  10. ↑ "Propranolol". International Drug Price Indicator Guide. Besoek op 1 Januarie 2016.[dooie skakel]