Pussy Riot

Pussy Riot
Lede van die groep in Januarie 2012.
Agtergrondinligting
OorsprongMoskou, Rusland
Genres
  • Protest music
  • pop
  • punk rock (vroeër)
  • hardcore punk (vroeër)
Beroep(e)Musikante
Jare aktief2011-tans
Webwerfpussy-riot.livejournal.com

Pussy Riot is 'n Russiese, feministiese en musikale protesgroep in Moskou wat gewild geword het danksy hulle uitlokkende punk rock, wat later in 'n toegankliker musiekstyl verander het. Die groep is in Augustus 2011 gestig en het toe altesaam 11 vrouelede gehad.[1]

Die groep het ongemagtigde, uitlokkende guerrilla gigs (konserte op 'n ongewone plek of in 'n ongewone vorm) op openbare plekke uitgevoer. Dié optredes is dan as musiekvideo's verfilm en op die internet geplaas.[2] Die groep se liriektemas sluit in feminisme; LGBT-regte; teenstand teen die Russiese president, Wladimir Poetin, en sy beleide;[3] en Poetin se bande met die leiers van die Russies-Ortodokse Kerk.[4]

Hofsaak en reaksie

[wysig | wysig bron]

Die groep het intenasionaal bekendheid verwerf toe vyf lede op 21 Februarie 2012 'n vertoning in Moskou se Katedraal van Christus die Verlosser hou.[5][6]

Geestelikes van die Russies-Ortodokse Kerk het gesê die groep se optrede is godslasterlik en dit is eindelik deur die kerk se veiligheidsbeamptes stogesit. Volgens die vroue was hulle protes gerig teen die leiers van die kerk wat Poetin ondersteun het gedurende sy verkiesingsveldtog. Op 3 Maart 2012 is twee van die groepslede, Nadezhda Tolokonnikova en Maria Alyokhina, gearresteer en aangekla van vandalisme. 'n Derde lid, Yekaterina Samutsevich, is op 16 Maart in hegtenis geneem.

Die drie is borgtog geweier en aangehou tot met hulle verhoor, wat laat in Julie begin het. Op 17 Augustus 2012 is Alyokhina, Samutsevich en Tolokonnikova al drie skuldig bvind aan "vandalisme wat deur godsdienshaat aangewakker is". Hulle is elk tot twee jaar gevangenisstraf gevonnis.[7][8] Op 10 Oktober, ná 'n appèl, is Samutsevich op borgtog vrygelaat en haar vonnis opgeskort. Die ander twee se vonnisse het staande gebly.[9]

Die verhoor en strawwe het aansienlike aandag gekry en kritiek ontlok,[10] veral in die Weste. Die saak het aandag gekry van menseregtegroepe, onder meer Amnestie Internasionaal, wat die vroue as gewetensgevangenes bestempel het,[11] en van verskeie bekende vermaakkunstenaars.[12] Die openbare mening in Rusland was oor die algemeen minder ten gunste van die groepslede.[13][14]

Nadat hulle 21 maande van hulle vonisse uitgedien het, is Tolokonnikova en Alyokhina op 23 Desember 2013 vrygelaat, nadat die staatsdoema 'n amnestie goedgekeur het.[15]

In Februarie 2014 is in 'n anonieme verklaring namens sommige lede van Pussy Riot beweer Alyokhina en Tolokonnikova is nie meer lede van die groep nie.[16] Albei was egter deel van die groep tydens die Olimpiese Winterspele 2014 in Sotsji, waar groepslede met swepe en pepersproei aangeval is deur Kosakke wat as veiligheidsbeamptes in diens geneem is.[17]

Op 6 Maart 2014 is Tolokonnikova en Alyokhina deur plaaslike jeudiges in Nizjni Nowgorod met 'n groen kleurstof aangeval.[18]

Nadezhda Tolokonnikova
Yekaterina Samutsevich
Maria Alyokhina
Die drie lede van Pussy Riot by hulle hofverhoor.

Verwysings

[wysig | wysig bron]
  1. ↑ Charles Clover (16 Maart 2012). "Pussy Riot dig claws into Putin". Financial Times. Londen. Geargiveer vanaf die oorspronklike op 1 Maart 2022. Besoek op 16 November 2012.
  2. ↑ Henry Langston (Maart 2012). "A Russian Pussy Riot". Vice. Geargiveer vanaf die oorspronklike op 3 November 2012. Besoek op 8 Augustus 2012.
  3. ↑ Carole Cadwalladr (29 Julie 2012). "Pussy Riot: will Vladimir Putin regret taking on Russia's cool women punks?". The Observer. Londen. Geargiveer vanaf die oorspronklike op 1 Maart 2022. Besoek op 20 November 2012.
  4. ↑ Oleg Kashin (17 Augustus 2012). "Putin's message: if you're pro Pussy Riot you're against the Orthodox church". The Guardian. Londen. Geargiveer vanaf die oorspronklike op 18 September 2012. Besoek op 10 November 2012.
  5. ↑ Pussy Riot gig at Christ the Savior Cathedral (oorspronklike video).
  6. ↑ "Russian police detain Pussy Riot sympathizers in cathedral". Reuters. 21 Februarie 2013. Geargiveer vanaf die oorspronklike op 8 Mei 2018. Besoek op 7 Mei 2018.
  7. ↑ "Pussy Riot found guilty of hooliganism by Moscow court". BBC News. 17 Augustus 2012. Geargiveer vanaf die oorspronklike op 31 Oktober 2012. Besoek op 17 Augustus 2012.
  8. ↑ Miriam Elder (17 Augustus 2012). "Pussy Riot sentenced to two years in prison colony over anti-Putin protest". The Guardian. Geargiveer vanaf die oorspronklike op 21 Augustus 2012.
  9. ↑ "Pussy Riot member Samutsevich sentence reduced to probation". RAPSI News. 10 Oktober 2012. Geargiveer vanaf die oorspronklike op 14 Oktober 2012. Besoek op 27 Oktober 2012.
  10. ↑ "Press aghast at Pussy Riot verdict". BBC News. 18 Augustus 2012. Geargiveer vanaf die oorspronklike op 30 Oktober 2012. Besoek op 27 Oktober 2012.
  11. ↑ "Russia: Release punk singers held after performance in church" (PDF). Amnesty International. 3 April 2012. Geargiveer (PDF) vanaf die oorspronklike op 20 Junie 2015. Besoek op 4 April 2012.
  12. ↑ "Adele, U2, Madonna, Yoko Ono, Radiohead, Patti Smith, Bruce Springsteen, Ke$ha, Sir Paul McCartney and Sting unite with more than 100 Musicians to call for release of Pussy Riot". Amnesty International. 22 Julie 2013. Geargiveer vanaf die oorspronklike op 20 Junie 2015. Besoek op 6 Februarie 2014.
  13. ↑ "Россияне о деле Pussy Riot" [Russians on the Pussy Riot case]. levada.ru (in Russies). Levada. 31 Julie 2012. Geargiveer vanaf die oorspronklike op 3 September 2012. Besoek op 27 Oktober 2012.
  14. ↑ "Треть россиян верит в честный суд над Pussy Riot" [One-third of Russians believe in fairness of Pussy Riot trial]. levada.ru (in Russies). Levada. 17 Augustus 2012. Geargiveer vanaf die oorspronklike op 24 Augustus 2012. Besoek op 27 Oktober 2012.
  15. ↑ Staglin, Doug (23 Desember 2013). "Freed Pussy Riot members call Russia amnesty a PR stunt". USA Today. Geargiveer vanaf die oorspronklike op 24 Desember 2013. Besoek op 23 Desember 2013.
  16. ↑ Jenn Pellyon (6 Februarie 2014). "Nadia Tolokonnikova and Masha Alyokhina No Longer Members of Pussy Riot". Pitchfork. Geargiveer vanaf die oorspronklike op 7 Februarie 2014. Besoek op 6 Februarie 2014.
  17. ↑ Miller, Nick (20 Februarie 2014). "Cossacks wielding whips and pepper spray attack Pussy Riot members in Sochi". The Age. Geargiveer vanaf die oorspronklike op 1 Maart 2022. Besoek op 19 Februarie 2014.
  18. ↑ "2 Pussy Riots Band Members assaulted in Moscow". IANS. news.biharprabha.com. Geargiveer vanaf die oorspronklike op 15 April 2014. Besoek op 7 Maart 2014.

Skakels

[wysig | wysig bron]