Rahima Moosa
Rahima Moosa | |
|---|---|
| Gebore | 14 Oktober 1922 Die Strand, Kaapstad |
| Sterf | 29 Mei 1993 |
| Nasionaliteit | Suid-Afrikaanse |
| Beroep | Aktivis |
| Bekend vir | Nasionale optog van vroue in 1956 |
| Politieke party | African National Congress (ANC) |
| Kinders | 4 |
| Geloof | Islam |
Rahima Moosa (* 14 Oktober 1922, † 29 Mei 1993) was ′n lid van die Transvaalse Indiërkongres en later die African National Congress (ANC). Sy is wel-bekend vir haar rol in die nasionale optog van vroue op 9 Augustus 1956. Moosa was ook ′n vakbondverteenwoordiger vir die Cape Town Food and Canning Workers Union.
Lewensbeskrywing
[wysig | wysig bron]Rahima Moosa is op 14 Oktober 1922 by die Strand, Kaapstad in die Unie van Suid-Afrika gebore. Sy het na Hoërskool Trafalgar toe gegaan. Nadat Rahima en haar tweelingsuster Fatima oor die apartheidsregering geleer het, het hulle in politiek aktief geword. In 1943 word sy ′n vakbondverteenwoordiger vir die Cape Town Food and Canning Workers Union.
In 1951 trou Rahima met haar Kameraad Vryheidsvegter Dr. Hassen “Ike” Mohamed Moosa. Hulle het dieselfde jaar by Johannesburg gekom. In Johannesburg word Moosa lid van die Transvaal Indiërkongres en later die ANC. In 1955 het Moosa 'n belangrike rol in die Congress of the People gespeel. Terwyl Moosa in Augustus 1956 met haar dogter Natasha swanger was, het sy die nasionale optog van vroue gelei.
Afsterwe
[wysig | wysig bron]As gevolg van suikersiekte het Moosa in 1970 ′n hartaanval gehad, na hierdie voorval het haar gesondheid versleg tot haar dood op 29 Mei 1993, slegs ′n jaar voor ′n volledig-vrye en demokratiese Suid-Afrika.
