Ramones

Ramones
Ramones in Oslo (Noorweë) op 30 Augustus 1980
Agtergrondinligting
OorsprongForest Hills, Queens, New York Stad, New York (VSA)
GenresPunkrock
Jare aktief1974 — 1996
EtiketteSire, Philips, Beggars Banquet, Radioactive, Chrysalis
AssosiasiesTangerine Puppets, Sniper, Bad Chopper, Los Gusanos, Dust, The Voidoids, Blondie, Uncle Monk, Misfits, Osaka Popstar
Gewese ledeDee Dee Ramone
Johnny Ramone
Joey Ramone
Tommy Ramone
Marky Ramone
Richie Ramone
Elvis Ramone (Clem Burke)
C. J. Ramone

Ramones is 'n Amerikaanse rockgroep wat gewoonlik ook as die eerste punkgroep geag word.[1][2] Die groep is in 1974 in Forest Hills, Queens, New York Stad, New York, VSA gestig. Al die lede het pseudonieme aangeneem wat met die van "Ramone" eindig. Hulle het 2 263 konserte in 'n virtueel aaneenlopende musiektoer van 22 jaar opgevoer.[2] In 1996, nadat hulle met die Lollapalooza-musiekfees getoer het, het die groep 'n vaarwelkonsert opgevoer en ontbind.[3] Net meer as agt jaar ná die groep se ontbinding het die groep se drie stigterslede — voorsanger Joey Ramone, kitaarspeler Johnny Ramone, en baskitaarspeler Dee Dee Ramone — almal al die tydelike met die ewige verwissel.[4][5][6]

Ramones het 'n geweldige invloed op die punkrockbeweging in beide die Verenigde State en die Verenigde Koninkryk gehad, alhoewel hulle weinig kommersiële sukses bereik het. Die groep se enigste plaat met genoeg verkope in die VSA om as goud gesertifiseer te word, was die versamelalbum Ramones Mania.[7] Erkenning van die groep se belangrikheid het oor die jare opgebou en vandag word die groep in vele assesserings van invloedryke rockmusiek gemeld, soos die Rolling Stone-tydskrif se lys 50 Greatest Artists of All Time[8] en VH1 se 100 Greatest Artists of Hard Rock.[9] In 2002 is Ramones deur Spin-tydskrif as die tweede invloedrykste musiekgroep ooit aangewys, met The Beatles in die eersteplek.[10] Op 18 Maart 2002 is Ramones in die Rock and Roll Hall of Fame opgeneem.[2][11]

Diskografie

[wysig | wysig bron]
  • Ramones (1976)
  • Leave Home (1977)
  • Rocket to Russia (1977)
  • Road to Ruin (1978)
  • End of the Century (1980)
  • Pleasant Dreams (1981)
  • Subterranean Jungle (1983)
  • Too Tough to Die (1984)
  • Animal Boy (1986)
  • Halfway to Sanity (1987)
  • Brain Drain (1989)
  • Mondo Bizarro (1992)
  • Acid Eaters (1993)
  • ¡Adios Amigos! (1995)

Verwysings

[wysig | wysig bron]
  1. ↑ "The Ramones" (in Engels). MTV. Geargiveer vanaf die oorspronklike op 12 Mei 2012. Besoek op 5 November 2009.
  2. ↑ 2,0 2,1 2,2 "Ramones" (in Engels). Rock and Roll Hall of Fame + Museum. 15 September 2004. Geargiveer vanaf die oorspronklike op 4 Januarie 2010. Besoek op 5 November 2009.
  3. ↑ Schinder (2007), pp. 559–560.
  4. ↑ Powers, Ann (17 April 2001). "Joey Ramone, Raw-Voiced Pioneer of Punk Rock, Dies at 49". New York Times. Besoek op 3 November 2009.
  5. ↑ Pareles, Jon (7 Junie 2002). "Dee Dee Ramone, Pioneer Punk Rocker, Dies at 50". New York Times. Besoek op 3 November 2009.
  6. ↑ Sisario, Ben (16 September 2004). "Johnny Ramone, Signal Guitarist for the Ramones, Dies at 55". New York Times. Besoek op 3 November 2009.
  7. ↑ Schinder (2007), p. 556; Prato, Greg. "Ramones Mania Vol. 2" (in Engels). Allmusic. Geargiveer vanaf die oorspronklike op 25 Mei 2020. Besoek op 5 November 2009.
  8. ↑ "The Immortals: The First Fifty". Rolling Stone (in Engels). Geargiveer vanaf die oorspronklike op 11 April 2010. Besoek op 5 November 2009.
  9. ↑ "100 Greatest Artists of Hard Rock". VH1. Geargiveer vanaf die oorspronklike op 13 September 2008. Besoek op 5 November 2009.
  10. ↑ "50 Greatest Bands Of All Time". Spin (in Engels). Februarie 2002. Geargiveer vanaf die oorspronklike op 29 Oktober 2019. Besoek op 5 November 2009.
  11. ↑ Vineyard, Jennifer (19 Maart 2002). "Vedder Rambles, Green Day Scramble As Ramones Enter Hall" (in Engels). VH1. Geargiveer vanaf die oorspronklike op 15 Augustus 2011. Besoek op 5 November 2009.