Robert D. Kaplan

Robert D. Kaplan
Kaplan in 2014.
Gebore
Robert David Kaplan

(1952-06-23)23 Junie 1952
New York Stad, New York
NasionaliteitVlag van Verenigde State van Amerika Verenigde State
Alma materUniversiteit van Connecticut
BeroepSkrywer oor buitelandse beleid en geopolitiek
Bekend virThe Coming Anarchy
Ouer(s)Philip Alexander Kaplan en Phyllis Quasha.

Robert David Kaplan (gebore 23 Junie 1952) is 'n Amerikaanse skrywer. Sy boeke en artikels fokus op politiek, veral buitelandse beleid, en reis. Sy werk oor drie dekades verskyn in The Atlantic, The Washington Post, The New York Times, The New Republic, The National Interest, Foreign Affairs en The Wall Street Journal, onder ander koerante en publikasies.

Een van Kaplan se invloedrykste artikels is The Coming Anarchy, wat in 1994 in The Atlantic Monthly gepubliseer is. Kritici van die artikel het dit vergelyk met die tesis van Samuel Huntington se Clash of Civilizations, aangesien Kaplan konflikte in die hedendaagse wêreld voorstel as die stryd tussen primitivisme en beskawings.[1] Nog 'n gereelde tema in Kaplan se werk is die opkoms van kulturele en historiese spanning wat tydens die Koue Oorlog tydelik opgeskort is.

Van 2008 tot 2012 was Kaplan 'n senior genoot by die Center for a New American Security in Washington, DC; en het hy weer in 2015 by die organisasie aangesluit. [2] Tussen 2012 en 2014 was hy hoof geopolitieke ontleder by Stratfor, 'n private wêreldwye besigheidsintelligensieonderneming. In 2009 het die minister van verdediging, Robert Gates, Kaplan in die Defence Policy Board aangestel, 'n federale advieskomitee vir die Amerikaanse departement van verdediging. In 2011 en 2012 het die tydskrif Foreign Policy Kaplan aangewys as een van die wêreld se 'top-100 wêrelddenkers'.[3] In 2017 het Kaplan as senior adviseur by Eurasia Group, 'n politieke risikokonsultasie, aangesluit. In 2020 is hy benoem tot die Robert Strausz-Hupé-leerstoel in geopolitiek aan die Foreign Policy Research Institute in Philadelphia.

Verwysings

[wysig | wysig bron]
  1. ↑ Tuastad, Dag (1 Augustus 2003). "Neo-Orientalism and the New Barbarism Thesis: Aspects of Symbolic Violence in the Middle East Conflict(s)". Third World Quarterly. 24 (4): 591–599. doi:10.1080/0143659032000105768. JSTOR 3993426. S2CID 144367950.
  2. ↑ Robert Kaplan Geargiveer 15 Maart 2011 op Wayback Machine, profile at CNAS website
  3. ↑ "The FP Top 100 Global Thinkers". Foreign Policy. November 28, 2012. Geargiveer vanaf die oorspronklike op November 28, 2012. Besoek op November 28, 2012.