Robert Lombard

Robert Lombard (18 Oktober 1895 - 31 Julie 1972) was 'n Apostel in die Ou Apostoliese Kerk (OAK), en stigter van die Hervormde Ou Apostoliese Kerk.

Op 11 Mei 1958 word hy deur Apostel W. Campbell as Apostel in die Ou Apostoliese Kerk verordineer. Hy was tot en met die laat 1960's vir die Kleurlinggemeenskappe van die OAK in die Kaap verantwoordelik, totdat sy gesondheid agteruit gegaan het.

In Januarie 1972 ontvang Lombard 'n openbaring dat hy sy mense moet verlos. Hy kom in opstand met die ander Apostels van die OAK en word van sy amp onthef. Daarna het Lombard en twee Opsieners die Non-White Old Apostolic Church gestig; die naam is later na die Reformed Old Apostolic Church verander. In Afrikaans staan dit as die Hervormde Ou Apostoliese Kerk bekend.

Hy wys Adolf Neethling in Januarie 1972 as sy opvolger aan.

Verwysings

• The Old Apostolic Church of Africa: Western Cape. (Fotoblad)
• Old Apostolic Church of South Africa v Non-White Old Apostolic Church of Africa 1975 (2) SA 684 (C) at 687