Roger Kahn

Roger Kahn
Gebore(1927-10-31)31 Oktober 1927
Brooklyn, New York, VSA
Sterf6 Februarie 2020 (op 92)
Mamaroneck, New York, VSA
NasionaliteitVSA
BeroepSkrywer

Roger Kahn (31 Oktober 1927 – 6 Februarie 2020) was 'n Amerikaanse skrywer. Hy is veral bekend vir sy boek oor bofbal uit 1972 getiteld The Boys of Summer.

Biografie

[wysig | wysig bron]

Roger Kahn is gebore in Brooklyn, New York, op 31 Oktober 1927, aan Olga (née Rockow) en Gordon Jacques Kahn, 'n onderwyser en redakteur.[1] Hy het Froebel Academy en daarna Erasmus Hall High School in Brooklyn bygewoon.[2] Hy het van 1944 tot 1947 aan die Universiteit van New York studeer.[1]

In 2004 is hy aangestel as die vierde James H. Ottaway Sr. Besoekende Professor van Joernalisme aan die Staats-universiteit van New York (SUNY New Paltz).[3] Hy was 'n dosent aan Yale, Princeton en Columbia.[1]

Loopbaan

[wysig | wysig bron]

Kahn het sy koerantloopbaan in 1948 begin toe hy by die New York Herald Tribune begin werk het. Hy was 'n kranige aanhanger van die Brooklyn Dodgers bofbalspan, en het deur die loop van die 1952-1953 seisoene verslag gedoen oor hul wedstryde. Hy het in 1956 sportredakteur geword vir Newsweek, en in 1963 hoofredakteur van die Saturday Evening Post. Sy bekendste boek is The Boys of Summer (1972), wat sy verhouding met sy pa ondersoek soos gesien deur die prisma van hul gedeelde liefde vir die Brooklyn Dodgers. In 2002 het 'n Sports Illustrated-paneel The Boys of Summer tweede geplaas op 'n lys van "Die Top 100 Sportboeke".[4]

Benewens The Boys of Summer het Kahn onder andere ook Good Enough to Dream, 'n kroniek van sy jaar as die eienaar van 'n "minor league" bofbalfranchise; The Era 1947–57, 'n ondersoek van die dekade waartydens die drie New Yorkse klubs – die Dodgers, Yankees en Giants – "Major League Baseball" oorheers het; en Memories of Summer, 'n terugblik op sy jeug en vroeë loopbaan, plus uitgebreide stukke oor New Yorkse bofballegendes soos Willie Mays en Mickey Mantle, geskryf. Hy het ook 'n biografie geskryf van die swaargewigbokskampioen Jack Dempsey, getiteld A Flame of Pure Fire.[5]

Kahn se 2006-boek, Into My Own, is 'n memoir wat sy vriendskappe met Robert Frost, Jackie Robinson, Pee Wee Reese en Eugene McCarthy beskryf en, in die laaste hoofstuk getiteld Rescuing Roger, fokus op sy seun wat voor hom oorlede is, Roger Laurence Kahn, wat in 1987 selfmoord gepleeg het by wyse van koolstofmonoksiedvergiftiging. Dit dek die jonger Kahn se bipolêre versteuring, heroïenverslawing en die tyd wat hy saam met die onderwyser Michael DeSisto by die DeSisto-skool deurgebring het];[6][7]

Kahn het die redakteur Stanley Woodward en die sportskrywers John Lardner en Red Smith as groot invloede beskryf.

Eerbewyse en pryse

[wysig | wysig bron]
  • Kahn is op 30 April 2006 ingelyf in die Nasionale Joodse Sport-heldesaal.[8]
  • Hy het vyf keer die E. P. Dutton-prys vir die beste sporttydskrifartikel van die jaar gewen.[9]

Bibliografie

[wysig | wysig bron]
  • Mutual Baseball Almanac (1955), geredigeer saam met Al Helfer
  • The World of John Lardner (1961), redakteur
  • Inside Big League Baseball (1962)
  • The Passionate People: What it Means to be a Jew in America (1968)
  • The Battle for Morningside Heights: Why Students Rebel (1970)
  • The Boys of Summer (1972)
  • How the Weather Was (1973)
  • A Season in the Sun (1977)
  • But Not to Keep: A Novel (1979)
  • The Seventh Game (1982)
  • Good Enough to Dream (1985)
  • Joe & Marilyn: A Memory of Love (1986)
  • Pete Rose: My Story (1989), met Pete Rose
  • Games We Used to Play: A Lover's Quarrel with the World of Sport (1992)
  • The Era: 1947–1957, When the Yankees, the Giants, and the Dodgers Ruled the World (1993)
  • Memories of Summer: When Baseball was an Art and Writing About it a Game (1993)[10]
  • A Flame of Pure Fire: Jack Dempsey and The Roaring Twenties (1999)
  • The Head Game: Baseball Seen from the Pitcher's Mound (2000)
  • October Men: Reggie Jackson, George Steinbrenner, Billy Martin, and the Yankees' Miraculous Finish in 1978 (2002)
  • Into My Own: The Remarkable People and Events That Shaped a Life (2006)
  • Rickey & Robinson: The True, Untold Story of the Integration of Baseball (2014)

Verwysings

[wysig | wysig bron]
  1. ↑ 1,0 1,1 1,2 "Kahn, Roger 1927–". www.encyclopedia.com. Besoek op 7 Februarie 2020.
  2. ↑ "The Rumble: An Off-The-Ball Look at Your Favorite Sports Celebrities", New York Post, 31 Desember 2006. Besoek op 13 Desember 2007. "The five Erasmus Hall of Fame legends include Raiders owner Al Davis, Bears quarterback Sid Luckman, Yankee pitching great Waite Hoyt, Billy Cunningham and Knicks founder Ned Irish. Other sports notables include Bulls/White Sox owner Jerry Reinsdorf, chess champion Bobby Fischer, ex-Browns head coach Sam Rutigliano, legendary NBA referee Norm Drucker and "The Boys of Summer" author Roger Kahn."  ["The Rumble". Geargiveer vanaf die oorspronklike op 11 Januarie 2008. Besoek op 11 Januarie 2008.{{cite web}}: CS1 maint: bot: original URL status unknown (link)
  3. ↑ "State University of New York at New Paltz: James H. Ottaway Sr. Endowed Professorship – Past Professors – 2004 – Roger Kahn", State University of New York at New Paltz amptelike webtuiste. Besoek op 5 Februarie 2012
  4. ↑ si.com/vault/2002/12/16/334173/the-top-100-sports-books-of-all-time "The Top 100 Sports Books of All Time", Sports Illustrated, 16 Desember 2002.
  5. ↑ Warren Goldstein, /31/reviews/991031.31goldstt.html "The Manassa Mauler", The New York Times, 31 Oktober 1999.
  6. ↑ Daytona Beach Morning Journal – 9 Aug. 1980
  7. ↑ "Kahn writes with joy and wrath", The Washington Times, 3 Desember 2006.
  8. ↑ "Roger Kahn", National Jewish Sports Hall of Fame, April 30, 2006.
  9. ↑ "Happy Birthday To Ridgefield's Roger Kahn". Ridgefield Daily Voice (in Engels). 31 Oktober 2014. Besoek op 7 Februarie 2020.
  10. ↑ "NYTimes". NYTimes. 6 April 1997. Besoek op 4 Maart 2016.

Bronnelys

[wysig | wysig bron]
  • Ruttman, Larry (2013). "Roger Kahn: Author of the Classic Baseball Book The Boys of Summer". American Jews and America's Game: Voices of a Growing Legacy in Baseball. Lincoln, Nebraska en Londen, Engeland: University of Nebraska Press. pp. 113–123. ISBN 978-0-8032-6475-5. Hierdie hoofstuk in Ruttman se werk, wat gebaseer is op onderhoude met Kahn wat op onderskeidelik 30 September 2007 en 31 Januarie 2008 gehou is, bespreek Kahn se Amerikaanse-, Joodse-, bofbal- lewensondervindinge van sy jeug tot die teenswoordige tyd.