Rooihoedamaniet

Rooihoedamaniet
Wetenskaplike klassifikasie
Koninkryk:
Fungi
Divisie:
Basidiomycota
Klas:
Agaricomycetes
Orde:
Agaricales
Familie:
Amanitaceae
Genus:
Amanita
Spesie:
A. muscaria
Binomiale naam
Amanita muscaria
(L.) Lam., 1783

Die rooihoedamaniet of vlieëgifswam (Amanita muscaria (L.) Lam., 1783) is 'n swam wat algemeen in Suid-Afrika voorkom.[1] Die spesies is endemies in Noord-Amerika, Europa en Asië, maar is dalk saam met die dennebome in Suid-Afrika, Australië en Nieu-Seeland ingevoer.[2]

Die swam se paddastoel is eenvoudig om te herken. Dit het 'n rooi mus, gewoonlik met wit vratte, 'n wit steel, sluier en kiewe en soms 'n wit volva wat in stukkies opbreek. Die mus is gewoonlik 12 cm in deursnee, maar dit kan tot 30 cm word. Ouer paddastoele word ligter van kleur tot oranje of gelerig.[2] Hierdie paddastoel is giftig en kan hallusinasies veroorsaak. Hierdie psigoaktiewe eienskappe is in verskeie kulture in religieuse rituele gebruik. Albertus Magnus het dit reeds in sy boek De Vegetabilibus in 1256 beskryf.[3]

'n Ou aanwending van hierdie paddastoel in Europa is om stukkies daarvan, hetsy vars of gedroogd, in melk te dompel en daarmee vlieë te dood.[2]

Fotogalery

[wysig | wysig bron]
  • Jonk met sluier
    Jonk met sluier
  • Die vratte op die mus
    Die vratte op die mus
  • Met reste van volva's
    Met reste van volva's
  • Met sluier en kiewe
    Met sluier en kiewe
  • Ligter kleur
    Ligter kleur
  • Kiewe
    Kiewe

Verwysings

[wysig | wysig bron]
  1. ↑ Gewone Afrikaanse en Engelse name vir die meer algemene Suid-Afrikaanse sampioene en ander makroswamme G.J.M.A. Gorter en Albert Eicker ISSN 0254-3486 = S./4. Tydskrif vir Natuurwetenskap en Tegnologie, 7(1) 1988.
  2. ↑ 2,0 2,1 2,2 "Ireland's wildlife" (in Engels). Geargiveer vanaf die oorspronklike op 19 April 2016. Besoek op 27 Julie 2017.
  3. ↑ "Psychoactive herbs". Geargiveer vanaf die oorspronklike op 12 Junie 2013.