Rooimyt

Rooimyt
Wetenskaplike klassifikasie
Koninkryk:
Animalia
Filum:
Arthropoda
Klas:
Arachnida
Subklas:
Acari
Orde:
Trombidiformes
Familie:
Tetranychidae
Genus:
Tetranychus
Spesie:
T. urticae
Binomiale naam
Tetranychus urticae
C.L. Koch, 1836

Die rooimyt of Tetranychus urticae is ’n spesie myte wat op plante voorkom en as ’n plaag beskou word. Hulle val in die familie Tetranychidae, wat sowat 1 200 spesies insluit[1] en honderde soorte plante eet. Hulle bly gewoonlik aan die onderkant van die blare, waar hulle soms ’n beskermende syweb spin, en rig skade aan plante aan deur die plantselle te prik.[2]

Eienskappe

[wysig | wysig bron]
’n Kolonie rooimyte.

Rooimyte was aanvanklik inheems in Eurasië, maar kom nou wêreldwyd voor.[3] Hulle is baie klein en skaars sigbaar as rooierige of groenerige kolletjies op blare en stamme; die volwasse wyfie is sowat 0,4 mm lank.[4]

Plante waarop hulle voorkom, sluit in die meeste groente- en kossoorte, insluitende soetrissies, tamaties, aartappels, boontjies, mielies en aarbeie, asook sierplante soos rose.[4] Die myte lê eiers op die blare en dit hou ’n bedreiging vir die plant in omdat die myte sel vir sel die selinhoud van die blare uitsuig en so klein dowwe kolletjies los waar die opperhuidselle vernietig is.[4] As daar duisende myte op ’n plant is, kan dit die plant se fotosintetiese vermoëns belemmer.[4]

Lewensiklus

[wysig | wysig bron]

Rooimyte plant voort deur ’n proses waar onbevrugte eiers in mannetjies ontwikkel.[5] Die eiers van die rooimyt is deurskynend en pêrelagtig.[3] Dit broei uit as ’n larwe en dan volg twee nimfstadiums: ’n protonimf en dan ’n deutonimf, wat russtadiums kan deurmaak.

Verwysings

[wysig | wysig bron]
  1. ↑ H. R. Bolland, Jean Gutierrez & Carlos H. W. Flechtmann (1997). "Introduction". World Catalogue of the Spider Mite Family (Acari: Tetranychidae). Brill Publishers. pp. 1–3. ISBN 978-90-04-11087-8.
  2. ↑ Yutaka Saito (2009). "Plant mites". Plant Mites and Sociality: Diversity and Evolution. Springer. pp. 5–38. doi:10.1007/978-4-431-99456-5_2. ISBN 978-4-431-99455-8.
  3. ↑ 3,0 3,1 D.A. Raworth, D.R. Gillespie, M. Roy & H.M.A. Thistlewood (2002). "Tetranychus urticae Koch, twospotted spider mite (Acari: Tetranychidae)". In Peter G. Mason & John Theodore Huber (red.). Biological Control Programmes in Canada, 1981–2000. CAB International. pp. 259–265. ISBN 978-0-85199-527-4.{{cite book}}: AS1-onderhoud: meer as een naam (link)
  4. ↑ 4,0 4,1 4,2 4,3 Thomas R. Fasulo & H.A. Denmark (Desember 2009). "Twospotted spider mite". Featured Creatures (in Engels). Universiteit van Florida / Institute of Food and Agricultural Sciences. Geargiveer vanaf die oorspronklike op 18 November 2019. Besoek op 20 Mei 2011.
  5. ↑ Cytological studies of the two-spotted spider mite Tetranychus urticae Koch (Tetranychidae, trombidiformes). I: Meiosis in eggs. C. C. M. Feiertag-Koppen, Genetica, 1976, Volume 46, Issue 4, pages 445-456, doi:10.1007/BF00128090

Eksterne skakels

[wysig | wysig bron]