Russiese verniskuns

’n Palech-juwelierskissie met ’n toneel uit die sprokie Tsarewitsj Iwan, die Vuurvoël en die Grys Wolf.

Russiese verniskuns het ontstaan uit die ikoonverwery wat geëindig het met die val van die Russiese Ryk. Die ikoonverwers, wat voorheen kerke en huise van ikone voorsien het, moes ’n ander manier kry om ’n bestaan te maak. So het versierde papier-mâché-boksies ontstaan; die boksies is vernis en tonele, dikwels uit volksverhale, is dan met die hand daarop geverf.

Vier kunssentrums

[wysig | wysig bron]

Die dorp Fedoskino (Федоскино) naby Moskou is die oudste van die vier kunssentrums van Russiese verniskuns, wat al sedert 1795 daar beoefen word. Dit gebruik, anders as die ander sentrums, olieverf in plaas van tempera met ’n eierbasis. Terwyl die kunstenaars hul eie impressionistiese vertolking toegelaat word, is die Fedoskino-verfstyl hoofsaaklik realisties in samestelling en detail.

Die drie ander sentrums is:

  • Palech (Палех)
  • Choloei (Холуй)
  • Mstjora (Мстёра)

Kunstenaars van dié drie sentrums gebruik steeds eiergebaseerde tempera vir die verfwerk, asook die toevoeging van ingewikkelde detail in bladgoud. Al drie sentrums is in die Iwanowo-streek van Wladimir-Soezdal in Sentraal-Rusland en was eers betrokke by die verf van ikone. Sedert die 21ste eeu verf jong kunstenaars weer ikone ook.

Galery

[wysig | wysig bron]
  • ’n Palech-sigaretdosie met ’n toneel van ’n troika wat deur wolwe aangeval word.
    ’n Palech-sigaretdosie met ’n toneel van ’n troika wat deur wolwe aangeval word.
  • ’n Choloei-miniatuurjuweelkissie met ’n toneel uit Soezdal.
    ’n Choloei-miniatuurjuweelkissie met ’n toneel uit Soezdal.
  • ’n Mstjora-borsspeld met ’n toneel uit Die Verhaal van Tsaar Saltan.
    ’n Mstjora-borsspeld met ’n toneel uit Die Verhaal van Tsaar Saltan.
  • 'n USSR-seël van W.D. Antonof se vernisminiatuurkunswerk By die put.
    'n USSR-seël van W.D. Antonof se vernisminiatuurkunswerk
    By die put.

Eksterne skakels

[wysig | wysig bron]