Saab J29 Tunnan

Saab J29 Tunnan
29670 Gul Rudolf in vlug oor Malmen lugmagbasis
Tipe	Vegvliegtuig
Vervaardiger	Saab AB
Nooiensvlug	1 September 1948
Bekendstelling	1951
Onttrek	1976
Status	Onttrek
Hoofgebruikers	Sweedse Lugmag Oostenrykse Lugmag
Vervaardig	1948-1956
Aantal gebou	661

Die Saab J29 Tunnan is Swede se tweede straalmotorige vegvliegtuig, die Saab 21 was hulle eerste. Die naam Tunnan beteken die vaatjie in Sweeds, na aanleiding van die vliegtuig se voorkoms. Die ontwerp van die Tunnan is beïnvloed deur navorsing gedoen oor swiepvlerke deur Duitsland tydens die Tweede Wêreldoorlog. Aangesien Swede geen ondervinding oor swiepvlerke gehad het nie, het hulle daarmee geëksperimenteer met die Saab 91 Safir. Die toetse was geslaagd en die J29 prototipe voltooi sy nooiensvlug op 1 September 1948. Dit was aangedryf deur 'n de Havilland Ghostmotor onder lisensie vervaardig deur Flygmotor.

Die vliegtuig is in diens gestel in 1951 en produksie is eers in 1956 gestaak. Die J29B het groter brandstof tenks en die E model is toegerus met 'n nabrander. Die F model was toegerus met all vorige verbeteringe. Daar was ook grondaanval en verkenningsmodelle ontwikkel. Vanaf 1958 was die J29 geleidelik vervang met die Saab J32 Lansen.

In 1960 het Swede J29's beskikbaar gestel aan die Verenigde Nasies vir gebruik in Belgiese Kongo tydens die Kongo-krisis. In 1961 het Oostenryk 30 van die Sweedse J29F's oorgeneem.

Tegniese besonderhede

Besonderhede van die Saab J29F:

Item	Statistiek
Aantal motors	1
Tipe motor	Straalmotor
Vervaardiger	Flygmotor RM2B, turbostraal met nabrander
Kraglewering per motor	2 800 kg stukrag
Vlerkspan	11,0 m
Lengte	10,13 m
Hoogte	3,73 m
Vlerkoppervlakte	24,0 m^2
Maks. opstygmassa	8 000 kg
Maks. snelheid	1 060 km/h
Operasionele hoogte	15 500m
Togafstand	2 700km
Klimvermoë	3 600 m per minuut
Bewapening	Vier 20 mm kanonne en 2 RB24 Sidewinder lug-tot-lug missiele

Sien ook

• Lys van vegvliegtuie

Bron

• Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9