Sakhir
Sakhir (Arabies:الصخير) is 'n woestyngebied in die Koninkryk van Bahrein, naby Zallaq. Dit bevat die Al-Sakhir Paleis, gebou in 1870. Gedurende die vroeë 2000's is verskeie veranderinge aangebring, soos die bou van die Universiteit van Bahrein se hoof kampus en die Bahrein Internasionale Renbaan, die tuiste van Formule Een se Bahreinse Grand Prix.
Sakhir ontvang baie besoekers om te kampeer, 'n gewilde aktiwiteit in die wintermaande.[1] Sakhir is ook waar die "Al Areen Wildlife Park" geleë is – die enigste natuurreservaat en dieretuin wat op land is in Bahrein.
