Seagate Technology
| Seagate Technology PLC | |
 | |
| Tipe | Publieke maatskappy met beperkte aanspreeklikheid (PLC) |
|---|---|
| Gestig | 1979 as Shugart Technology |
| Hoofkantoor | Cupertino, CA, Verenigde State (operasionele hoofkwartier) Dublin, Republiek van Ierland (wetlike hoofkwartier) |
| Sleutelpersone | Alan Shugart (stigter); Stephen J. Luczo (uitvoerende voorsitter), Dave Mosley (hoof uitvoerende beampte) |
| Gebied bedien | Wêreldwyd |
| Industrie | Inligtingstegnologie |
| Produkte | Hardeskywe (HDD + SSD, hibriedskywe) |
| Inkomste |  11,16 miljard VSA-$ (2016) |
| Bedryfsinkomste | 445 miljoen VSA-$ (2016) |
| Netto inkomste | 248 miljoen VSA-$ (2016) |
| Werknemers | 45 487 (2016) |
| Dogter- maatskappye | LaCie |
| Webwerf | seagate.com |
Seagate Technology PLC (meestal kort Seagate genoem) is 'n Amerikaanse vervaardiger van hardeskywe. Die onderneming, wat oorspronklik in 1978 as Shugart Technology geïnkorporeer is, is sedert 2010 amptelik in Dublin, Republiek van Ierland gesetel, terwyl sy operasionele hoofkwartier in Cupertino in die Amerikaanse deelstaat Kalifornië is.
Geskiedenis
[wysig | wysig bron]Seagate het in 1980 die eerste 5,25 duim-hardeskyf ontwikkel - die ST-506 met 'n stoorvermoë van 5 megagrepe[1] - en was vervolgens gedurende die 1980's een van die belangrikste verskaffers van hardeskywe op die mikrorekenaarmark, veral ná die vrystelling van die IBM XT in 1983. Tans word die internasionale hardeskyfmark deur Seagate en sy strafste mededinger, Western Digital, oorheers. Albei maatskappye het hul groei aan die oorname van kleiner mededingers te danke. So het Seagate in 1989 Control Data Corporation se Imprimis-afdeling oorgeneem wat hardeskywe vir CDC vervaardig het. Ook in die volgende jare het Seagate voortgegaan om die hardeskyfbelange van ander ondernemings oor te neem, waaronder dié van Conner Peripherals in 1996, Maxtor in 2006 en Samsung se hardeskyf-afdeling in 2011.[2]
Verwysings
[wysig | wysig bron]Normdata  |
|
|---|