Sebraslang

Sebraslang
N. n. nigricincta in die Nasionale Etoshawildtuin
Wetenskaplike klassifikasie
Koninkryk:
Animalia
Filum:
Chordata
Klas:
Reptilia
Orde:
Squamata
Suborde:
Serpentes
Familie:
Elapidae
Genus:
Naja
Spesie:
N. nigricincta
Binomiale naam
Naja nigricincta
Bogert, 1940
Benaderde verspreiding in Afrika
Sinonieme
  • Naja nigricollis nigricincta Bogert 1940
  • Naja nigricollis var. fasciata Bocage 1895
  • Naja mossambica nigricincta Broadley 1968
  • Naja mossambica woodi Broadley 1968
  • Naja nigricollis woodi Broadley 1974
  • Naja woodi Bauer & Branch 2003

Die sebraslang (Naja nigricollis nigricincta) is 'n giftige slang, een van die spesies van spoegkobra in die genus Naja wat aan die Elapidae familie behoort. Die slang kom in die sentrale en noordelike dele van Namibië voor. In Engels staan die slang bekend as die Western Barred Spitting Cobra.

Hierdie spesie was lank beskou as 'n subspesie van die swartspoegkobra (Naja nigricollis woodi), maar morfologiese en genetiese verskille het gelei tot die erkenning daarvan as 'n afsonderlike spesie.[1] So daar is twee subspesies, naamlik die sebraslang (N. nigricollis nigricincta) en die swartspoegkobra (N. nigricollis woodi) wat hoofsaaklik in die noordweste van die Noord-Kaap in Suid-Afrika voorkom.

Subspesies

[wysig | wysig bron]

Twee subspesies word tans erken onder Naja nigricincta.[2] Die subspesies benoem N. n. nigricincta, algemeen bekend as die sebraslang of western barred spitting cobra, word sy naam gegee as gevolg van die donker dwarsbalkies wat die lengte van die slang se lyf hardloop. Die subspesies N. n. woodi, algemeen bekend as die swartspoegkobra, is soliede swart en word slegs in die woestynstreke van Suider-Afrika aangetref. Beide subspesies is kleiner as N. nigricollis; met gemiddelde volwasse lengtes van minder as 1,5 m {4,9 vt).[3]

Subspesies Takson-outeur Naam Verspreidingsarea Streeksverskille
N. n. nigricincta Bogert 1940[4] Sebraslang, Western barred spitting cobra sentrale en noordelike dele van Namibië en suid Angola Grys bruin, geel of pienk met donker bande van kop tot stert
N. n. woodi Pringle 1955[5] Swartspoegkobra Suid Namibië, Botswana, Lesotho en Suid-Afrika).[2] Swart as volwassenes. Babas is grys met 'n soliede swart kop. Onderskei anders as Naja nigricollis (S.Angeli 2017)

Identifikasie

[wysig | wysig bron]
Naja nigricincta met sebra-strepe

Die sebraslang het talryke onreëlmatige swart kruisstroke oor die liggaam en die Afrikaanse naam sebraslang is dus hoogs gepas. Soos alle ander Naja-spesies, kan hierdie slang sy kop en nek in 'n kap afvlak. Die kop en kap is eenvormig donkerbruin of swart.

Gif

[wysig | wysig bron]

Die gif is potensieel sitotoksies en 'n byt deur hierdie of verwante spesies veroorsaak ernstige weefselskade. Die gif van Naja nigricincta kan massiewe bloeding, nekrose en verlamming in slagoffers veroorsaak. Hierdie slange kan ook hul gif spoeg met groot akkuraatheid wat tydelike of permanente blindheid veroorsaak.[6]

Verspreiding

[wysig | wysig bron]

Hierdie spesie is inheems aan dele van Suidelike-Afrika (suid Angola, Namibië, Botswana, Lesotho en Suid-Afrika).[2]

Sien ook

[wysig | wysig bron]

Bron

[wysig | wysig bron]
  • Patterson, R.W.: Struik-Sakboekgids vir Suider-Afrika Slange. C. Struik Uitgewers. 1987. ISBN 0 86977 288 0

Verwysings

[wysig | wysig bron]
  1. ↑ Wuster, Wolfgang. "The phylogeny of cobras inferred from mitochondrial DNA sequences: Evolution of venom spitting and the phylogeography of the African spitting cobras (Serpentes: Elapidae: Naja nigricollis complex)" (PDF). Bangor University. Geargiveer (PDF) vanaf die oorspronklike op 28 Julie 2019. Besoek op 14 Februarie 2012.
  2. ↑ 2,0 2,1 2,2 Naja nigricincta op Reptarium.cz (reptieldatabasis). Besoek op 13 April 2017.
  3. ↑ Mastenbroek, Richard. "Black-neck Spitting Cobra" (PDF). DEVENOMIZED. www.devenomized.com. Geargiveer (PDF) vanaf die oorspronklike op 25 April 2012. Besoek op 20 Desember 2011.
  4. ↑ Bogert, CM (1940). "Herpetological results of the Vernay Angola Expedition. I. Snakes, including an arrangement of the African Colubridae". Bulletin of the American Museum of Natural History. 77: 1–107.
  5. ↑ Pringle, J (1955). "'n Nuwe subspesie van die spoegkobra Naja nigricollis van die Kaapse Provinsie". Annals of the Natal Museum. 13 (2): 253–254.
  6. ↑ Jake Boy The Harvard University Herpetology Course - OEB 167 - Encyclopedia of life