Sianied

Eienskappe

Algemeen
Naam	Sianied
Termochemiese radius	1,87 Å [1]
${\displaystyle \Lambda _{m}^{-}}$	78,0 [Scm^2/mol][2]
Lys van anione

Die Sianied is 'n sout van blousuur (waterstofsianied) met 'n formule CN⁻.

Die oksidasietoestand van die koolstofatoom is +4. Die bekendste sianiede is kalium- en natriumsianied (KCN en NaCN) wat in waterige oplossings goedoplosbare soute is en 'n basiese oplossing gee omrede blousuur 'n swak suur is en die sianiedioon in water gedeeltelik sal hidroliseer volgens die reaksie:

${\displaystyle CN^{-}+H_{2}O\to HCN+OH^{-}}$

Sianiede en hul oplossings is uiters giftig en in suuroplossings word blousuur vrygestel. Dit is 'n kleurlose en taamlik vlugtige vloeistof wat kenmerkend soos bitter amandels ruik en 'n snelwerkende dodelike gif is. Die dood volg binne sekondes na inaseming van blousuurdampe. Dit was ook 'n gewilde middel in die verlede om mense te vergif en is gebruik vir teregstellings.

Die sianiedioon is 'n goeie kompleksvormer. Met yster kan byvoorbeeld sianoferrate gevorm word:

heksasianoferraat(II): ${\displaystyle Fe^{2+}+6CN^{-}\to Fe(CN)_{6}^{4-}}$

heksasianoferraat(III): ${\displaystyle Fe^{3+}+6CN^{-}\to Fe(CN)_{6}^{3-}}$

Hierdie stowwe is baie minder giftig as die sianiede self.

Sien ook

• Lys van anione
• Pseudohalogeen
• Sianogeen

Bronne

• Dokter in die huis, Dr Jan van Elfen, 1993 ISBN 0 624 03234 5

1. Thermochemical Radii of Complex Ions Helen K. Roobottom, H. Donald B. Jenkins, Jack Passmore, Leslie Glasser Journal of Chemical Education 76(11) 1999, bls. 1570
2. aqion.