Singer-gebou

Die Singer-gebou.

Die Singer-gebou was 'n kantoorgebou en vroeë wolkekrabber in Manhattan, New York. Dit was die hoofkwartier van Singer Manufacturing Company, op die noordwestelike hoek van Liberty- en Broadwaystraat in die finansiële distrik van Laer Manhattan. Frederick Gilbert Bourne, hoof van die Singer Company, het die opdrag vir die werk aan die argitek Ernest Flagg gegee, wat die gebou in verskeie fases van 1897 tot 1908 ontwerp het.

Die gebou was saamgestel uit vier verskillende afdelings. Die oorspronklike tien verdieping Singer-gebou by 149 Broadway is tussen 1897 en 1898 opgerig, en die aangrensende 14-verdieping Bourne-gebou in Libertystraat is gebou vanaf 1898 tot 1899. In die eerste dekade van die 20ste eeu is die twee geboue uitgebrei en het die basis gevorm van die 14 verdieping Singer Tower, wat met 'n verdere 27 verdiepings verrys het. Die fasade is van baksteen, klip en terracotta gemaak. 'n Koepel met 'n lantern het die toring bedek. Die gebou se basis het op vlakker fondamente gerus. Die Singer-gebou het egter 'n staalskelet gebruik. Draende mure het aanvanklik die oorspronklike struktuur ondersteun voor verandering. Toe dit voltooi is, het die 41-verdiepinggebou 'n marmerbeklede ingangsportaal, 16 hysbakke, 38 000 vierkante meter kantoorruimte en 'n waarnemingsdek gehad.

Met 'n dakhoogte van 187 m, was die Singer Tower van 1908 tot 1909 die hoogste gebou ter wêreld. Die basis van die gebou het die hele grondperseel beset; die toring se vloere het net 'n sesde van daardie oppervlakte in beslag geneem. Ten spyte daarvan dat dit as 'n stadsikoon beskou is, is die Singer-gebou tussen 1967 en 1969 gesloop om plek te maak vir One Liberty Plaza, wat heelwat meer kantoorruimte as die Singer-gebou gebied het. Ten tyde van sy afbreek was die Singer-gebou die hoogste gebou wat ooit gesloop is.[1][2][3][4][5][6]

Verwysings

[wysig | wysig bron]
  1. ↑ Gray, Christopher (29 Maart 2012). "The Hemming In of the Singer Tower". The New York Times (in Engels (VSA)). ISSN 0362-4331. Geargiveer vanaf die oorspronklike op 2 Junie 2019. Besoek op 12 Augustus 2020.
  2. ↑ O'Connor, William (30 April 2016). "The Life and Death of The World's Tallest Building". The Daily Beast. Geargiveer vanaf die oorspronklike op 26 Julie 2017. Besoek op 12 Augustus 2020.
  3. ↑ Historic American Buildings Survey 1969, p. 92
  4. ↑ Architectural Forum 1957, p. 118
  5. ↑ Gray, Christopher (2 Januarie 2005). "Streetscapes: Once the Tallest Building, but Since 1967 a Ghost". The New York Times. ISSN 0362-4331. Geargiveer vanaf die oorspronklike op 28 Februarie 2022. Besoek op 1 Augustus 2010.
  6. ↑ "Charles Scribner's Sons Building" (PDF). New York City Landmarks Preservation Commission. 23 Maart 1982. p. 4. Geargiveer (PDF) vanaf die oorspronklike op 24 Februarie 2021. Besoek op 31 Maart 2021.