Skaakstuk

'n Stel skaakstukke in die Staunton-ontwerp
Links tot regs: pion, toring, ruiter, loper, dame en koning

'n Skaakstuk is 'n speelstuk wat op een van die 64 blokkies van 'n skaakbord geplaas word om 'n skaakspel te speel. 'n Stuk kan Wit of Swart wees, en dit kan een van ses tipes wees, naamlik 'n koning, dame, toring, loper, ruiter of pion.

Skaakstelle kom gewoonlik met sestien stukke van albei kleure, d.w.s. 32 stukke in totaal. Bykomende stukke, gewoonlik 'n ekstra dame per kleur, kan voorsien word vir gebruik by promosie van 'n pion.

Nommer

Skaakstukke

	Koning
	Dame
	Toring
	Loper
	Ruiter
	Pion

Elke speler begin met sestien stukke. Die stukke wat aan elke speler behoort word deur hul kleur onderskei: die ligter gekleurde stukke word na verwys as "wit" en die speler wat hulle beheer as "Wit", terwyl die donkerder gekleurde stukke na verwys word as "swart" en die speler wat hulle beheer as "Swart".

In 'n standaardspel begin elkeen van die twee spelers met die volgende sestien stukke:

• 1 koning
• 1 dame
• 2 torings
• 2 lopers
• 2 ruiters
• 8 pionne

Bronnelys

• Brace, Edward (1977), An Illustrated Dictionary of Chess, Craftwell, ISBN 1-55521-394-4 
• Burgess, Graham (2009). The Mammoth Book of Chess (3de uitg.). Running Press. ISBN 978-0-7624-3726-9.
• Evans, Larry (1973), Evans on Chess, Cornerstone Library, ISBN 0-87749-699-4 
• Hooper, David; Whyld, Kenneth (1992). "Value of pieces". The Oxford Companion to Chess (2de uitg.). Oxford University Press. ISBN 0-19-280049-3.
• Just, Tim; Burg, Daniel S. (2003). U.S. Chess Federation's Official Rules of Chess (5de uitg.). McKay. ISBN 0-8129-3559-4.
• Soltis, Andrew (2004), Rethinking the Chess Pieces, Batsford, ISBN 0-7134-8904-9 
• Luiro, Ari (2009), Chess pieces in different languages, http://www.geocities.com/TimesSquare/Metro/9154/nap-pieces.htm, besoek op 2011-11-04