Skiepertjie

Skiepertjie
Alledaagse bynameSpitzke
OorsprongBelgië
Kenmerke
Gewig 3-9 kg
Hoogte Reun 33,6 cm (gem.)
Teef 31,2 cm (gem.)
Kleur Enige effekleur
Lewensduur 13–15 jaar
Klassifikasiestandaarde
FCI Group 1, Section 1 Skaaphonde #083 standaard
AKC Nie-sportief standaard
ANKC Groep 7 (Nie-sportief) standaard
CKC Groep 6 (Nie-sportief) standaard
KC (UK) Nuts standaard
NZKC Nie-sportief standaard
UKC Metgesel standaard
Hond (Canis lupus familiaris)

'n Skiepertjie (Nederlands: Schipperke) is 'n klein Belgiese hondjie met 'n oorsprong in die vroeë 16de eeu.

Beskrywing

[wysig | wysig bron]
'n Skiepertjie toon die dik rol rondom sy nekgedeelte.

Skiepertjies is klein hondjies met 'n dubbelpels van sagte dons aan die onderkant en growwer, langer hare aan die bokant. Die ras het 'n langhaarmaan, wat met 'n punt hang teen die rug af, tot by die kruis. Hoewel hul meesal swart van kleur is, kom hul somtyds ook in ligbruin voor.

Die hondjies is bekend vir hulle stoute, nuuskierige en somtyds hardkoppige temperament. Skiepertjies is baie energiek en benodig gereëlde oefening en kan veeleisend wees vir eienaars aangesien hulle nie altyd gehoorsaam is nie. Hulle is verder bekend vir hulle wakker geblaf as hulle van indringers bewus raak en is dus goeie waghonde.[1]

Agtergrond

[wysig | wysig bron]

Die naam skiepertjie, kom van die Nederlands ""Schipperke"" wat "klein kapteintjie" beteken. Die hondjies het hul naam gekry aangesien hulle in België en Nederland op kanaalbote gewerk het, ondermeer as waghonde en muisvangers.[2]

Die hondjie word geklassifiseer as 'n nutshond, 'n beskrywing vir nuttige honde wat vir verskillende doeleindes gebruik kan word.

Skiepertjies in kuns en kultuur

[wysig | wysig bron]

Beatrix Potter se kinderverhaal The Pie and the Patty-Pan bevat verwysings na 'n Skiepertjie genaamd "Duchess".

Verwysings

[wysig | wysig bron]
  1. ↑ Schipperke Club, Club Flyer Geargiveer 1 September 2012 op Wayback Machine AKC, September 2008.
  2. ↑ "UKKC - Breed Information Centre" (in Engels). The Kennel Club. Geargiveer vanaf die oorspronklike op 26 Julie 2013. Besoek op 19 Januarie 2020.