Skoppens (speelkaarte)

Die skoppenssimbool.

Die skoppenskaarte van 'n Franse pak kaarte.

Skoppens is een van die vier kleure, of stelle, speelkaarte in 'n Franse pak. Dit het dieselfde vorm as die blaar in Duitse speelkaarte, maar lyk soos 'n swart, onderstebo hart met 'n stingel onderaan. Dit simboliseer die piek of hellebaard, twee Middeleeuse wapens.

In Frans is skoppens bekend as Pique en in Duits as Pik. Dit stem ooreen met die stel wat blare genoem word in Duitse speelkaarte. In Switserland is die stel bekend as Schuufle, "skop(graaf)", en in baie Duitse streke as Schüppe/Schippe, ook "skop(graaf)".

Skoppens is in die spel brug die hoogste kleur. In skat en soortgelyke speletjies is dit die naashoogste kleur.

Eienskappe

Die skoppenssimbool het 'n baie gestileerde spiespuntvorm wat boontoe wys. Die onderkant word breër en verander in twee boë van 'n sirkel met 'n soort voetstuk aan die onderkant.

Skoppens is gewoonlik swart. Saam met hartens is hulle een van die belangrike kaartstelle in brug. In die amptelike skattoernooipak is hulle groen, dieselfde as hulle Duitse ekwivalente.

Hier onder is die skoppens van 'n Franse standaardpak van 52 kaarte (die skoppensridder wat in tarotkaartspeletjies gebruik word, word nie vertoon nie):

• 
  Aas
• 
  2
• 
  3
• 
  4
• 
  5
• 
  6
• 
  7
• 
  8
• 
  9
• 
  10
• 
  Boer
• 
  Vrou
• 
  Heer

Vierkleurpakke

Die vier ase van 'n vierkleurpak. Skoppens is hier swart.

Vierkleurpakke word soms in toernooie of aanlyn gebruik.^[1] In vierkleurpakke kan skoppens so lyk:

• swart in Engelse brug- en pokerpakke en Franse en Switserse vierkleurpakke,^[2]
• groen in Duitse skattoernooipakke^[3] of
• blou    in sommige Amerikaanse pokerpakke.

Unicode

In Unicode kom 'n swart simbool ♠ en wit simbool ♤ voor.

Verwysings

1. Allan, Elkan en Hannah Mackay (2007). The Poker Encyclopedia. Londen: Portico. ISBN 978-1906-03209-8
2. Gallery 3 - Sizes, Shapes and Colours by a_pollett.tripod.com. Besoek op 4 Augustus 2020.
3. Gallery 3 - Sizes, Shapes and Colours by a_pollett.tripod.com. Besoek op 4 Augustus 2020.

Skakels

• Wikimedia Commons het meer media in die kategorie Skoppens (speelkaarte).

• Hierdie artikel is in sy geheel of gedeeltelik uit die Engelse Wikipedia vertaal.