Slag van die Marne

Slag van die Marne
Deel van die Eerste Wêreldoorlog
Kaart wat die Slag van die Marne vertoon.
Datum 5 September - 12 September 1914 Ligging Marne-rivier, Frankryk Resultaat Oorwinning deur die Geallieerdes
Strydende partye
Frankryk  Verenigde Koninkryk	Duitse Keiserryk
Bevelvoerders
Joseph Joffre Michel-Joseph Maunoury Joseph Gallieni Franchet d'Esperey Ferdinand Foch Fernand de Langle John French	Helmuth von Moltke Karl von Bülow Alexander von Kluck Albrecht van Württemberg
Sterkte
1 071 000 39 Franse divisies 6 Britse divisies	1 485 000 27 Duitse divisies
Ongevalle
263 000 waarvan 81 700 dood	220 000

Die Slag van die Marne het plaasgevind tydens die Eerste Wêreldoorlog in Frankryk.

Agtergrond

Die Duitse Magte het 'n vinnige oorwinning oor Frankryk beplan, die Schlieffen-plan. Die beplan berus daarop dat die Duitse Magte vir Frankryk deur België binneval om die verdedigingsmuur op die Franse grens te omseil.

Die Duitse Magte val België binne op 3 en 4 Augustus 1914. Hulle vorder goed maar word tog 'n paar dae vertraag deur die Belgiese weerstand. Die vertraging gee aan die Britse Magte kans om 90,000 soldate van Engeland na Frankryk te stuur tussen 7 tot 17 Augustus. Dit gee ook die Franse kans om vyf leërs bymekaar te kry. Op 3 September was die Duitse Magte, onder beheer van Generaal Alexander von Kluck, slegs sowat 40 km vanaf Parys.

Die Slag

Von Kluck se magte was die regterflank van die Duitse Magte tydens die inval in België en het suidwaarts gedraai. Op 5 September het die Britse en Franse Magte gestrek vanaf Parys tot by Verdun, suid van die Marne-rivier. Generaal Joseph Joffre was in bevel van die Franse Magte. Op 6 September het die slag begin en teen 10 September het die Duitse Magte teruggetrek tot by die Aisnerivier.

Gevolge van die Slag

Die oorwinning het groot morele waarde vir die Franse gehad; eerstens is die Duitse Magte gestuit, tweedens was die Franse Magte nie vernietig binne ses weke soos die Duitsers beplan het nie en laastens was Parys gered. Die oorlog het hierna verander van 'n dinamiese na 'n statiese loopgraaf-oorlog.

1918

Tydens 1918 het daar nog 'n slag plaasgevind by die Marne-rivier.

Bronne

• Collier's Encyclopedia Volumes 15 en 23. Crowell-Collier Educational Corporation 1971.