Solenoïed
'n Solenoïed is 'n draadspoel. In fisika verwys die term solenoïed na 'n draadspoel wat dikwels om 'n metaalkern gewikkel is en 'n magnetiese veld laat ontstaan wanneer 'n elektriese stroom daardeur vloei. Solenoïede is belangrik omdat hulle beheerde magnetiese velde kan skep en as elektromagnete gebruik kan word. Die begrip solenoïed verwys spesifiek na 'n magneet wat ontwerp is om 'n eenvormige magnetiese veld in 'n volume in ruimte te skep.
In ingenieurswese kan die begrip solenoïed ook verwys na 'n verskeidenheid oorvormer-toestelle wat energie na lineêre beweging omskakel. Die begrip word dikwels gebruik om na 'n solenoïed aangedrewe klep te verwys, wat 'n geïntegreerde toestel is met 'n elektromeganiese solenoïed wat of 'n hidrouliese- of pneumatiese klep aan te dryf of 'n skakelaar wat 'n spesifieke soort relê is wat 'n elektromeganiese solenoïed gebruik om 'n elektriese skakelaar aan te dryf; die aansitter solenoïede in motorvoertuie is 'n voorbeeld van 'n lineêre solenoïed wat die knormoer aan die vliegwielrat verbind tydens die aansitproses.
Bronne
[wysig | wysig bron]- solenoid. (2008). Encyclopædia Britannica. Deluxe Edition. Chicago: Encyclopædia Britannica.
