Stanisław Lem



Stanisław Lem

Poolse skrywer, filosoof en essayis

Literêre stroming
Wetenskapsfiksie

Beduidende werke


Solaris (1961)
Dominique Signoret:
Die planeet Solaris se twee sonne

Stanisław Herman Lem [staˈɲiswav ˈlɛm] (* 12 September 1921 in Lwif (Lemberg), † 27 Maart 2006 in Kraków) was 'n Poolse skrywer van wetenskaplik gefundeerde wetenskapsfiksie met 'n psigologies-filosofiese agtergrond asook filosofiese en satiriese werke. Sy boeke is in 41 tale vertaal en het al meer as 27 miljoen eksemplare verkoop sodat Lem as een van die mees gelese wetenskapsfiksie-skrywers buite die Engelse taalgebied beskou word.[1]

Lem, wat aanvanklik as arts en in die 1970's tydelik as dosent vir Poolse literatuur in Kraków werksaam was, het veral met sy wetenskapsfiksie-roman Solaris (1961) bekendheid verwerf. Hierdie boek is drie keer verfilm - as televisiefilm (1968) en - vir die silwerdoek - deur die Sowjet-Russiese meesterregisseur Andrei Tarkofski (1972). Die Oscar-wenner Steven Soderbergh het die roman nog eens in 2002 verfilm. George Clooney vertolk die hoofrol in die Amerikaanse rolprent.

In sy werke het Lem, wat as universele geleerde beskou kan word, veral filosofiese onderwerpe behandel, maar dikwels ook sy omvattende kubernetiese en psigologiese kennis verwerk. Sentraal gestaan het spekulasies oor tegnologie, die wese van intelligensie, die onmoontlikheid om wedersydse kommunikasie en verstaan te bewerkstellig, die wanhoop oor menslike beperkinge en die mensheid se plek in die heelal. Sommige van sy werke is as fiksie geskryf, terwyl ander as essays of filosofiese boeke gepubliseer is.

Verwysings

[wysig | wysig bron]
  1. ↑ Stanislaw Lem 1921 - 2006

Eksterne skakels

[wysig | wysig bron]