Star Trek

Star Trek-uniforms tydens die Electronic Entertainment Expo 2012 in Los Angeles
Leonard Nimoy en William Shatner, die vertolkers van die hoofkarakters in die oorspronklike televisiereeks
Star Trek se kulturele invloed was van begin af nie beperk tot die vermaaksfeer nie. Merkwaardig is die reeks se progressiewe standpunte ten opsigte van burgerregte. Een van die eerste multi-etniese televisiespanne in die VSA was in Star Trek te sien
Star Trek-estetika: 'n Skerm vertoon 'n bruindwerg
'n Star Trek-sterskip versnel tot High warp
Beam me up, Scotty!
Star Trek se befaamde teleportasiekamers is uit finansiële nood gebore. Die NBC-vervaardigingspan in Los Angeles het nie oor die finansiële middele beskik om landings en opstygings van ruimtetuie elke keer in besondere tonele te verfilm nie. Teleportasiestrale was 'n maklike en tegnologies gesofistikeerde oplossing
Die Melkweg met Star Trek-beskawings
Gene Roddenberry, skepper, vervaardiger en outeur van Star Trek in 1976 tydens 'n lesing by 'n Texaanse studente-unie
Een van NASA se ruimtependeltuie is ter ere van die fiksionele Star Trek-ruimtetuig Enterprise genoem. Star Trek-akteurs het saam met Gene Roddenberry 'n plegtigheid bygewoon toe die pendeltuig in 1976 buite die vervaardigingsaanleg in Palmdale, Kalifornië aan die publiek bekendgestel is

Star Trek is ‘n Amerikaanse wetenskapsfiksie-vermaakkonsessie wat deur Gene Roddenberry geskep is. Dit wentel grootliks om Star Trek se ses televisiereekse: The Original Series, The Animated Series, The Next Generation, Deep Space Nine, Voyager en Enterprise. Die konsessie sluit verder dertien langspeelfilms, dosyne speletjies, honderde novelle en ‘n tema-attraksie in Las Vegas (geopen in 1998 en gesluit in September 2008) in, benewens minstens twee reisende museumuitstallings van staanmaakmodelle. Beginnend by die oorspronklike televisiereeks en voortgesit deur die daaropvolgende films en tv-reekse, het die konsessie tot ‘n kultusfenomeen ontwikkel, wat die skepping van die ten volle funksionele Klingontaal meegebring het, en dikwels inslag in die gewilde media sou vind.[1] Na aanhangers van Star Trek word verwys as Trekkies of Trekkers.

Ontwikkeling

[wysig | wysig bron]

Die oorspronklike Star Trek is gewy aan die interstellêre avonture van James T. Kirk en die bemanning van ‘n verkenningsvaartuig van ‘n 23ste eeuse galaktiese "Verenigde Federasie van Planete" — die Sterskip Enterprise. Hierdie reeks het sy buiging in 1966 gemaak en is vir drie seisoene op NBC vertoon, nadat die netwerk ‘n aanvanklike loodsfilm, The Cage, met ‘n merendeels verskillende rolverdeling afgekeur het. Nogtans word hierdie loodsfilm deesdae in die reël met die oorspronklike reeks versprei. Volgend op die vrystelling van ander reekse in die konsessie, is die Kirk-geleide reeks retroaktief na verwys as Star Trek: The Original Series. Hierdie avonture is voortgesit deur die kortstondige Star Trek: The Animated Series en ses langspeelfilms.

Vier verdere televisiereekse is uiteindelik vervaardig, wat in dieselfde milieu geplaas is, maar die wedervaringe van ander karakters uitbeeld, naamlik Star Trek: The Next Generation, wat oor die bemanning van ‘n nuwe Sterskip Enterprise handel, wat afspeel ‘n eeu ná die oorspronklike reeks; Star Trek: Deep Space Nine en Star Trek: Voyager, wat samelopend met The Next Generation geplaas is; en Star Trek: Enterprise, wat afspeel voor die oorspronklike reeks, in wat die vroeë dae van menslike interstellêre reise sou wees. Vier bykomende langspeelfilms is vervaardig, wat voortbou op die bemanning van The Next Generation, en mees onlangs, ‘n 2009 herproduksie van die konsessie wat ‘n jong bemanning van die oorspronklike Enterprise uitbeeld wat in ‘n alternatiewe tydlyn geplaas word.

Produksie van die oorspronklike Star Trek-reeks het onder leiding van Desilu Productions begin. Met die samesmelting van Desilu met Paramount Pictures, het laasgenoemde ateljee volstrekte eienaarskap van die Star Trek-konsessie verkry. CBS het eienaarskap van die konsessie in 2006 aanvaar, alhoewel sekere aspekte (langspeelfilm- en DVD-/Blu-ray-verspreidingsregte) steeds deur Paramount besit word.

Ontwerpkuns

[wysig | wysig bron]

Vir enkele Star Trek-stelle is luukse meubels gebruik wat deur die befaamde Italiaanse meubelontwerper Edra Mazzei se onderneming Edra spa in die Toskaanse stad Perignano ontwerp is.[2]

Mikrorekenaarrewolusie

[wysig | wysig bron]

Altair, 'n fiksionele wêreld waarheen die ruimteskip Enterprise in Amok Time, die eerste aflewering van Star Trek se tweede seisoen, op pad is, is as benaming vir MITS se baanbrekende tuisrekenaar Altair 8800 wat algemeen as vonk vir Silicon Valley se mikrorekenaar-rewolusie beskou word.

Sien ook

[wysig | wysig bron]

Verwysings

[wysig | wysig bron]
  1. ↑ Italie, Hillel (2 Julie 2007). "Potter Reaches Cult Phenomenon Status". Seattle Times. Associated Press. Besoek op 19 Oktober 2011. In hierdie artikel word die status van Star Trek as ‘n kultusfenomeen as ‘n gegewe aanvaar.
  2. ↑ Claudia Neumann: Design Lexikon Italien. Köln: DuMont 1999, bl.186

Eksterne skakels

[wysig | wysig bron]
Amptelike webtuistes
Media