Sts 71

Sts 71
Katalogusnommer	Sts 71
Spesie	Australopithecus africanus
Ouderdom	2,5 miljoen jaar
Plek ontdek	Sterkfontein, Suid-Afrika
Datum ontdek	1947
Ontdek deur	Robert Broom

Sts 71 is ’n fossiele skedel van die spesie Australopithecus africanus wat in 1947 in die Sterkfonteingrotte in Suid-Afrika ontdek is deur die paleontoloog Robert Broom. In 1972 het John Wallace Sts 71 verbind met Sts 36, ’n onderste kakebeen wat op dieselfde plek ontdek is, danksy die afslytingspatroon van die tande. Dit is na raming sowat 2,5 miljoen jaar oud.

Sts 71 het ’n kleiner skedel en gelaatstrekke as enige vroulike lid van Australopithecus wat al ontdek is, maar volgens die tande is dit manlik. Die kakebene steek vorentoe uit en die kouspiere is groot. Die brein was sowat 428 cm³.

Verwysings

• "Foto's van Sts 71". Geargiveer vanaf die oorspronklike op 17 Oktober 2007. Besoek op 1 Maart 2014.
• "Foto's van Sts 71 en Sts 36 saam". Geargiveer vanaf die oorspronklike op 27 September 2007. Besoek op 1 Maart 2014.
• Larsen, Clark Spencer, Matter, Robert M, Gebo, Daniel L (1991). Human Origins: the fossil record. Waveland Press, Prospect Heights, IL. ISBN 0-88133-575-4.