Syracuse (/ˈsɪrəkjuːz, ˈsɛr-, -kjuːs/)[1][2][3] is 'n stad in die distrik Onondaga County, New York (deelstaat), in die Verenigde State van Amerika. Syracuse dien as die distrik se administratiewe setel. Dit is die vyfde mees digbevolkte stad in die staat van New York na New York Stad, Buffalo, Rochester, en Yonkers.
Volgens die 2010 sensus was die stadsbevolking 145 252 siele, en die stad se metropolitaanse gebied het 'n bevolking van 662 577 siele gehad. Dit is die ekonomiese en opvoedkundige sentrum van sentrale New York, 'n streek met oor die een miljoen inwoners. Syracuse is ook goed bedien met Konvensie venues, met 'n onderdorpse Konvensiekompleks. Syracuse is vernoem na die klassieke Griekse stad Siracusa op die oostelike kus van die Italiaanse eiland Sisilië.
Die stad het gefunksioneer as 'n belangrike kruispad oor die laaste twee eeue, eerstens tussen die Erie kanaal en sy sytakke, en toe van die spoorweë. Vandag is Syracuse op die interseksie van die Interstates 81 en 90 hoofweë geleë. Syracuse se lughawe is die grootste in die streek. Syracuse is die tuiste van Syracuse Universiteit, a belangrike navorsingsuniversiteit, sowel as Le Moyne Kollege, 'n nasionaal-erkende Liberale-Kunste Kollege. In 2010 het Forbes Syracuse op vierde plek geplaas tussen die 10 top plekke in die VSA om 'n gesin in groot te maak.[4]