T'kaibebos
| T'kaibebos | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Asterales |
| Familie: | Asteraceae |
| Genus: | Pteronia |
| Spesie: | P. incana
|
| Binomiale naam | |
| Pteronia incana (Burm.) DC.
| |
Die T'kaibebos[1] (Pteronia incana) is 'n struik wat endemies aan Suid-Afrika is. Dit kom in die provinsies Noord-, Oos- en Wes-Kaap voor. Op die SANBI-rooilys is dit as veilig gelys.[2]
Dit kom in renosterveld (Overberg en Swartland) saam met die renosterbos voor.[3]
Die plant is aromaties en onsmaaklik vir die vee en bevat 'n essentiële olie.[4] Die enigste etnobotaniese inligtings oor hierdie plant is deur die Montagu Museum van die Wes-Kaap opgeteken. Dit is teen griep, koors, niersiektes en rugpyne gebruik. In 2010 is dit aan navorsing onderwerp om te sien of die essentiële olie wat uit die plant verkry kan word mediese waarde het. Die olie bevat veral β-pineen, limoneen, 1,8-cineool, myrceen, spathulenol, p-cymeen and metieleugenol en in kleiner hoeveelhede α-pineen, sabineen, γ-terpineen, terpinen-4-ol, biclogermacreen, globulol and α-bisabolol. Dit blyk veral werksaam teen die gis Cryptococcus neoformans te wees.[5]
Verwysings
[wysig | wysig bron]- ↑ Dit word ook asbossie, bitterbos, bloubos, bloubossie, laventelbossie, perdebossie, ribbokbos of vaalbossie genoem, maar hierdie name word ook vir ander plantspesies aangewend.
- ↑ "SANBI-rooilys" (in Engels). Geargiveer vanaf die oorspronklike op 7 Februarie 2019.
- ↑ Biogeography and Ecology of Southern Africa, Deel 31 van Monographiae Biologicae, Marinus J.A. Werger, A.C. van Bruggen, Springer Science & Business Media, 2012, ISBN 9400999518, ISBN 9789400999510, bls 216-217
- ↑ Die essentiële olie is tydens die Ciskei Essential Oil Project deur E.H. Graven van die Universiteit van Fort Hare as Blue Bush Oil of Blue Dog bekend gemaak.
- ↑ The ethnobotany, leaf anatomy, essential oil variation and biological activity of Pteronia incana (Asteraceae) I.M. Hulley, A.M. Viljoen, P.M. Tilney, S.F. Van Vuuren, G.P.P. Kamatou, B.-E. Van Wyk, South African Journal of Botany, 76(4), Oktober 2010, bls. 668–675