Teëlblaarkwassie
| Teëlblaarkwassie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Sorocephalus |
| Spesie: | S. imbricatus
|
| Binomiale naam | |
| Sorocephalus imbricatus | |
| Sinonieme | |
| |
Die teëlblaarkwassie (Sorocephalus imbricatus) is 'n blomdraende struik wat tot die genus Sorocephalus behoort en deel van die fynbos vorm. Die spesie is endemies aan die Wes-Kaap waar dit in die Piketberg, Groot-Winterhoekberge en Elandskloofberge voorkom. Plante is egter 50 jaar laas by laasgenoemde twee plekke gewaar.
Die struik word slegs 2 m hoog en blom van Augustus tot September. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei saam met sandsteen fynbos in bergagtige skalie op hoogtes van 330 - 860 m.
In Engels staan die struik as die Tile-leaf clusterhead bekend.