The Shining (film)

The Shining se bemarkingsplakkaat.
The Shining se bemarkingsplakkaat.


The Shining is 'n 1980- gruwelfilm wat vervaardig en geregisseer is deur Stanley Kubrick. In die rolverdeling is Jack Nicholson, Danny Lloyd, Shelley Duvall en Scatman Crothers. Dit is gebaseer op Stephen King se gelyknamige roman uit 1977 en die draaiboek is deur Stanley Kubrick, saam met die romanskrywer Diane Johnson, geskryf.

Nicholson speel Jack Torrance, 'n skrywer en herstellende alkoholis wat 'n nuwe pos as die winter afseisoen opsigter van die Overlook Hotel aanvaar. Lloyd speel sy jong seun Danny, wat heldersienende vermoëns het, "the shining", waarvan hy by hoofsjef Dick Hallorann (Crothers) leer. Danny se denkbeeldige vriend, Tony, waarsku hom dat die hotel spook voordat 'n sneeustorm die gesin in die Colorado Rockies vaskeer. Jack se geestestoestand verswak mettertyd onder die invloed van die hotel en sy inwoners. Dit maak dat Danny en sy ma, Wendy (Duvall), in lewensgevaar kom.

The Shining word dikwels geprys as een van die beste gruwelfilms ooit, en dit is in 2018 deur die Library of Congress gekies om opgeneem te word in die Verenigde State se Nasionale Filmregister as "kultureel, histories of esteties betekenisvol". ’n Opvolg getiteld Doctor Sleep gebaseer op King se 2013-roman met dieselfde naam is in 2019 vrygestel.

Rolverdeling

[wysig | wysig bron]

Ontwikkeling

[wysig | wysig bron]

Kubrick het met betrekking tot die tema van die film gesê dat "daar iets inherent fout is met die menslike psige. Daar is 'n bose kant daaraan. Een van die dinge wat gruwelverhale kan doen, is om ons die argetipes van die onbewuste uit te wys; "ons kan die donker kant sien sonder dat dit direk gekonfronteer hoef te word”.

Koerantadvertensie vir die rol van Danny Torrance

Nicholson was van die begin Kubrick se eerste keuse vir die rol van Jack Torrance. Ander akteurs wat oorweeg is, sluit in Robert De Niro (wat gesê het die rolprent het hom vir 'n maand lank nagmerries gegee),[1] Robin Williams en Harrison Ford, wat almal deur Stephen King afgekeuris.[2] Kris Kristofferson was Kubrick se plaasvervanger indien Nicholson sou weier.[3] Steven King het nie van Nicholson gehou nie, omdat hy gedink het dat die kyker geneig sou wees om hom van die begin af as 'n onstabiele individu te beskou, vanwee sy rol in One Flew Over the Cuckoo's Nest. King het Jon Voight, Michael Moriarty of Martin Sheen vir die rol verkies, wat meer getrou die profiel van 'n gewone mens wat geleidelik tot waansin gedryf word, sou kon verteenwoordig.[4][5] King is egter meegedeel dat die akteur vir die hoofrol "nie onderhandelbaar was nie."[6][7]

Die regisseur se aanvanklike kandidaat om die Torrances se seun te speel, was Cary Guffey (Close Encounters of the Third Kind), maar die jong akteur se ouers het geweier en gesê dat die film te grusaam was vir 'n kind. In sy soeke om die regte akteur te vind om Danny te speel, het Kubrick 'n man-en-vrou-span, Leon en Kersti Vitali, gekry om onderhoude met sowat 5 000 seuns oor 'n tydperk van ses maande te voer.[8] Tydens die verfilming is die jong akteur wat gekies is, Danny Lloyd, op 'n besondere manier deur Kubrick beskerm; die seun het te alle tye geglo dat hy 'n drama skiet, nie 'n gruwelfliek nie. Ná sy rol in die 1982-rolprent Will: G. Gordon Liddy, het Lloyd sy toneel loopbaan laat vaar.[9]

Primêre fotografie het in Mei 1978 begin en is in Julie 1979 afgesluit en het hoofsaaklik by Elstree Studios in die Suide van Engeland geskied.

'n Bladsy van The Shining- draaiboek wat die toevoeging van die " All work and no play makes Jack a dull boy "-toneel beklemtoon.

The Shining was een van die eerste halfdosyn rolprente wat die toe nuut ontwikkelde Steadicam gebruik het, benewens die films Bound for Glory, Marathon Man en Rocky, wat almal in 1976 vrygestel is.[10] Steadycam is 'n stabiliserende montering vir 'n rolprentkamera wat die kamera se beweging van die kameraman se beweging isoleer, en dus gladde skote moontlik maak, selfs terwyl die operateur oor 'n ongelyke oppervlak beweeg. Die uitvinder van die Steadicam, Garrett Brown, was baie betrokke by die vervaardiging van The Shining. Hy was opgewonde na sy eerste toer deur die The Shining stel wat "vele moontlikhede vir die Steadicam" gebied het. Hy het persoonlik by die produksie betrokke geraak en gesê Kubrick sou die Steadicam gebruik “soos dit bedoel was om gebruik te word."

Verwysings

[wysig | wysig bron]
  1. ↑ Interview with Robert De Niro. B105 FM. 20 September 2007.
  2. ↑ Interview with Stephen King. B105 FM. 21 November 2007.
  3. ↑ Emery, David (20 Januarie 2023). "Was Robin Williams Considered for the Role of Jack Torrance in 'The Shining'?". Snopes.
  4. ↑ "A Horror Classic To Remember: The Shining". 22 Oktober 2020. Geargiveer vanaf die oorspronklike op 9 Julie 2021. Besoek op 5 Julie 2021.
  5. ↑ "5 Fun Facts About The Shining". Viddy-Well.com. Geargiveer vanaf die oorspronklike op 9 Julie 2021. Besoek op 5 Julie 2021.
  6. ↑ "Guión - El Resplandor de Stanley Kubrick". 16 Januarie 2013. Geargiveer vanaf die oorspronklike op 16 Januarie 2013.
  7. ↑ Stephen King (1986). Stephen King at the Movies (in Spaans). New York York: Starlog Press. Geargiveer vanaf die oorspronklike op 28 September 2022.
  8. ↑ LoBrutto, p. 420
  9. ↑ "Así es el niño de 'El resplandor' en la actualidad". La Vanguardia. 29 Oktober 2017. Geargiveer vanaf die oorspronklike op 9 Julie 2021. Besoek op 5 Julie 2021.
  10. ↑ Serena Ferrara, Steadicam: Techniques and Aesthetics (Oxford: Focal Press, 2000), 26–31.