Thomas Daley

Thomas (Tom) Daley (Plymouth, 21 Mei, 1994) is 'n Engelse sierduiker wat op 13-jarige leeftyd die Europese duik-kampioen geword het. Met 'n telling van 491,95 punte wen hy in 2008 goud vanaf die 10-meter toring tydens die eindstryd van die Europese Kampioenskappe in Eindhoven.

Tydens die Olimpiese Somerspele van 2008 behaal Daley saam met sy maat, Blake Aldridge die agtste plek met hulle gesinchroniseerde duikslag vanaf die 10 meter toring. Hy behaal egter die sewende plek met sy individuele poging.

In Julie 2009 wen hy die goue medalje vanaf die 10 meter toring by die FINA Wêreldkampioenskappe in Rome met 'n telling van 539.85 punte.

Daley is 'n lid van die Plymouth-duikklub.

• 
• 
• 
•