Thomson se gaselle

Thomson se gaselle
'n Dragtige ooi
Ooi met lam, Masai Mara, Kenia
Wetenskaplike klassifikasie edit
Domein: Eukaryota
Koninkryk: Animalia
Filum: Chordata
Klas: Mammalia
Orde: Artiodactyla
Familie: Bovidae
Subfamilie: Antilopinae
Genus: Eudorcas
Spesie:
E. thomsonii
Binomiale naam
Eudorcas thomsonii
(Günther, 1884)
Verspreiding

Thomson se gaselle (Eudorcas thomsonii) is een van die bekendste gaselle. Dit is vernoem na die ontdekkingsreisiger Joseph Thomson en word soms na verwys as 'n "tommie".[2][3] Dit word deur sommige beskou as 'n subspesie van die rooikopgasel en is vroeër as 'n lid van die genus Gazella binne die subgenus Eudorcas beskou, voordat Eudorcas tot genusstatus verhef is. [4] Thomson se gaselle kan gevind word in getalle van meer as 200 000 [1] in Afrika en word erken as die mees algemene tipe gaselle in Oos-Afrika. Die Thomson-gaselle kan snelhede van 80-89 km/h bereik. Dit is die vierde vinnigste landdier, naas die jagluiperd (sy vernaamste roofdier), pronkhoring en springbok.[2]

'n Nabyskoot van 'n manlike Thomson se gaselle: Ramme het horings wat dikker en langer is as dié van ooie.

Identifikasie

[wysig | wysig bron]

Thomson se gaselle is 'n relatief klein gaselle; dit staan 60–70 cm by die skouer. Rammetjies weeg 20–35 kilogram, terwyl die effens ligter ooie 25 kg weeg. Gesigskenmerke van die gaselle sluit in wit ringe om die oë, swart strepe wat van 'n hoek van die oog na die neus loop, rooibruin strepe wat van die horings na die neus loop, 'n donker kol op die neus en 'n ligte voorkop.[5][6]

Die pels is sandbruin tot rooibruin; 'n swart band loop oor die flanke, van die boonste voorbeen tot net bokant die boonste agterbeen. 'n Dofgeelkleurige band kom bo die swart streep voor. Kort, swart strepe merk die wit kruis. Die swart stert meet 15 tot 27 cm.

Ramme het goed ontwikkelde preorbitaalkliere naby die oë, wat gebruik word om gebiede te reukmerk. Albei geslagte besit horings wat effens agtertoe buig met die punte vorentoe. Die horings, hooggering, meet 25 tot 43 cm op ramme en 7-15 cm aan ooie. Ooie het egter meer brose horings; sommige is selfs horingloos.[7]

  • ’n Thomson-gaselle: Let op die gesigmerke en die donker flankstreep.
    ’n Thomson-gaselle: Let op die gesigmerke en die donker flankstreep.
  • 'n Gaselle-trop
    'n Gaselle-trop
  • 'n Ooi verdedig haar dooie lammer teen 'n oostelike imperiale aren
    'n Ooi verdedig haar dooie lammer teen 'n oostelike imperiale aren

Verwysings

[wysig | wysig bron]
  1. ↑ 1,0 1,1 IUCN SSC Antelope Specialist Group. 2018. Eudorcas thomsonii (errata version published in 2020). The IUCN Red List of Threatened Species 2018: e.T8982A172360006. https://dx.doi.org/10.2305/IUCN.UK.2018-2.RLTS.T8982A172360006.en. Afgelaai op 18 April 2021.
  2. ↑ 2,0 2,1 "Thomson's Gazelle". African Wildlife Foundation. 22 Februarie 2013.
  3. ↑ Kingdon, Jonathan (1989). East African Mammals: An Atlas of Evolution in Africa. Vol. 3. London, UK: Academic Press. pp. 403–13. ISBN 978-0-226-43725-5.
  4. ↑ Kingdon, Jonathan (1997). The Kingdon Field Guide to African Mammals. San Diego and London:Academic Press. pp. 411–413. (ISBN 0-12-408355-2)
  5. ↑ Castelló, J.R. (2016). Bovids of the World: Antelopes, Gazelles, Cattle, Goats, Sheep, and Relatives. Princeton, USA: Princeton University Press. pp. 104–7. ISBN 978-1-4008-8065-2.
  6. ↑ Foley, C.; Foley, L.; Lobora, A.; De Luca, D.; Msuha, M.; Davenport, T.R.B.; Durant, S.M. (2014). A Field Guide to the Larger Mammals of Tanzania. Princeton, USA: Princeton University Press. p. 212. ISBN 978-1-4008-5280-2.
  7. ↑ Kingdon, J. (2015). The Kingdon Field Guide to African Mammals (2nd uitg.). London, UK: Bloomsbury Publishing. pp. 563–4. ISBN 978-1-4729-2135-2.