Tirreense See
| Tirreense See | |
|---|---|
 Die Golf van Gaeta (Latium) | |
 Kaart van die Tirreense See | |
| Koördinate: | 40°N 12°O / 40°N 12°O |
| Ligging: | Italië, Frankryk |
| Soort: | See van die Middellandse See |
| Invloei: | Tiber |
| Eiland/e: | Stromboli |
| Nedersettings: | Napels, Palermo |
Die Tirreense See (Frans: Mer Tyrrhénienne [mɛʁ tiʁenjɛn], Italiaans: Mar Tirreno [mar tirˈrɛːno], Korsikaans: Mari Tirrenu, Napolitaans: Mar Tirreno, Sardies: Mare Tirrenu, Sisiliaans: Mari Tirrenu) maak deel uit van die Middellandse See en lê wes van Italië tussen die vasteland, Korsika, Sardinië en Sisilië. In die Golf van Genua grens dit in die noorde aan die Liguriese See en dit word in die weste deur Korsika en Sardinië, in die ooste deur Toskane, Latium (Lazio), Kampanië en Kalabrië, en in die suide deur Sisilië begrens.
Seestrate
[wysig | wysig bron]Die Straat van Messina met 'n breedte van drie kilometer verbind die Tirreense met die Ioniese See. Ander belangrike seestrate is die Korsikakanaal tussen Italië en Korsika met 'n breedte van sowat 80 kilometer, die Seestraat van Bonifacio tussen Korsika en Sardinië met 'n breedte van elf kilometer, die Sardiniese Kanaal tussen Sardinië en Tunisië met 'n breedte van 200 kilometer, en die Seestraat van Sisilië tussen Tunisië en Sisilië met 'n breedte van 160 kilometer.
Geologie en klimaat
[wysig | wysig bron]Die Tirreense See bereik 'n maksimum diepte van 3 785 meter en lê naby die geologiese breuklyn tussen die vastelande van Europa en Afrika, wat deur ondersese bergreekse en aktiewe vulkane soos Marsili gekenmerk word.
Die belangrikste winde wat in die gebied waai, is die Mistral uit die Rhônevallei, die Libeccio uit die suidooste en die Ostro uit die suide.
Etimologie
[wysig | wysig bron]Die naam is ontleen van die Griekse woord vir die Etruskers, Tyrrhenoi. Hulle het na bewering onder leierskap van prins Tyrrhenus oorspronklik uit Lidië in Klein-Asië gekom en aan die kusgebied van die huidige Toskane gevestig. Die Etruskers het die seegebied langs hulle gebied die "Etruskiese See" genoem.
Mitologie
[wysig | wysig bron]Volgens die Griekse mitologie het die rotswande bo die Tirreense See die vier winde gehuisves, wat deur Aeolus beheer is.
Eksterne skakels
[wysig | wysig bron]
Wikimedia Commons het meer media in die kategorie Tirreense See.
