Tour de France

Kenteken van die Tour de France
Fietsryers tydens die Tour de France in 2005
Die geel trui
Chris Froome, viermalige wenner van die Tour de France

Die Tour de France (Frans: [tuʁ də fʁɑ̃s], letterlik: "Toer deur Frankryk") of kort Le Tour ([ləˈtuːʀ], "die toer"), ook Grande Boucle ([gʀɑ̃dˈbukl], "Groot Lus") genoem, is die bekendste en belangrikste fietswedren ter wêreld. Die wedren strek oor drie weke – dus eintlik 'n toer – en vind altyd gedurende Julie plaas. Die eerste wedren het in 1903 plaasgevind en gedurende 2024 het die wedren vir die 111de keer plaasgevind; dit is slegs tydens die Eerste en Tweede Wêreldoorlog, asook die wêreldwye Covid-19-pandemie gekanselleer. Alhoewel die roete jaarliks gewysig word, lei dit deur die hele Frankryk en aangrensende lande. Saam met die toer van Italië (Giro d’Italia) en die toer van Spanje (Vuelta a España) vorm dit deel van die Groot Drie Toere (Grand Tours). Die wenner is die ryer met die minste totale tyd na afloop van die toer; elke skof se tyd word bymekaar getel. Die wenner kry die geeltrui (maillot jaune). Die wenspan is die span met die minste totale tyd na afloop van die toer; die beste drie ryers se tye van elke span word vir elke skof bymekaar getel.

Wenners sedert 2000

[wysig | wysig bron]
Jaar Wenner Nasionaliteit
2000 Lance Armstrong Vlag van Verenigde State van Amerika Verenigde State
2001 Lance Armstrong Vlag van Verenigde State van Amerika Verenigde State
2002 Lance Armstrong Vlag van Verenigde State van Amerika Verenigde State
2003 Lance Armstrong Vlag van Verenigde State van Amerika Verenigde State
2004 Lance Armstrong Vlag van Verenigde State van Amerika Verenigde State
2005 Lance Armstrong Vlag van Verenigde State van Amerika Verenigde State
2006 Óscar Pereiro Vlag van Spanje Spanje
2007 Alberto Contador Vlag van Spanje Spanje
2008 Carlos Sastre Vlag van Spanje Spanje
2009 Alberto Contador Vlag van Spanje Spanje
2010 Andy Schleck* Vlag van Luxemburg Luxemburg
2011 Cadel Evans Vlag van Australië Australië
2012 Bradley Wiggins Vlag van Verenigde Koninkryk Verenigde Koninkryk
2013 Chris Froome Vlag van Verenigde Koninkryk Verenigde Koninkryk
2014 Vincenzo Nibali Vlag van Italië Italië
2015 Chris Froome Vlag van Verenigde Koninkryk Verenigde Koninkryk
2016 Chris Froome Vlag van Verenigde Koninkryk Verenigde Koninkryk
2017 Chris Froome Vlag van Verenigde Koninkryk Verenigde Koninkryk
2018 Geraint Thomas Vlag van Verenigde Koninkryk Verenigde Koninkryk
2019 Egan Bernal Vlag van Colombia Colombia
2020 Tadej Pogačar Vlag van Slowenië Slowenië
2021 Tadej Pogačar Vlag van Slowenië Slowenië
2022 Jonas Vingegaard Vlag van Denemarke Denemarke
2023 Jonas Vingegaard Vlag van Denemarke Denemarke
2024 Tadej Pogačar Vlag van Slowenië Slowenië
  • Die titel is eers in 2012 aan Andy Schleck toegeken nadat Alberto Contador gediskwalifiseer is vir 'n positiewe opkikker-toets.[1]

Suid-Afrikaners op die Tour de France

[wysig | wysig bron]
Daryl Impey tydens die Tour de France 2013 in die geeltrui

Robbie Hunter en John-Lee Augustyn was die eerste twee Suid-Afrikaners wat aan die Tour de France deelgeneem het. Robbie Hunter is die eerste Suid-Afrikaner nog wat 'n skof kon wen in die Tour de France en wel gedurende die 2007-toer. Daryl Impey het aan die 2012-toer deelgeneem en gedurende die 2013-toer die geeltrui gedra na die sesde skof, die eerste Suid-Afrikaner wat dit kon vermag. Tydens die 2019-toer het Daryl Impey die negende skof gewen en die tweede Suid-Afrikaner geword wat dit kon vermag.

Sien ook

[wysig | wysig bron]

Verwysings

[wysig | wysig bron]
  1. ↑ (af) Beeld. Andy Schleck uit Tour de France 13 Junie 2012

Eksterne skakels

[wysig | wysig bron]
  • (fr) Amptelike webwerf
  • (en) "Tour de France". Encyclopædia Britannica. Besoek op 21 Julie 2024.