Tradouwtolbos
| Tradouwtolbos | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Leucadendron |
| Spesie: | L. tradouwense
|
| Binomiale naam | |
| Leucadendron tradouwense I.Williams, (1972)
| |
Die tradouwtolbos (Leucadendron tradouwense) is 'n blomdraende struik wat tot die genus Leucadendron behoort en deel van die fynbos-bioom vorm. Die spesie is endemies aan die Wes-Kaap, waar dit voorkom in die Langeberg by die Tradouwpas en Groot Vadersbos. Die plant is seldsaam, daar is slegs twee populasies.
Die struik word 2,0 m hoog en blom in Junie. Die plant gaan dood in brande maar die sade oorleef. Die sade word geberg in 'n tol op die vroulike plant en val na twee maande uit die tol grond toe, waar dit deur knaagdiere versprei word. Die plant is eenslagtig en daar is afsonderlike plante met manlike- en vroulike blomme, wat deur klein torre bestuif word. Die plant groei hoofsaaklik op steil, suidelike hellings in sandsteen grond op 160-180 m.
In Engels staan dit as die Tradouw Conebush bekend.