Tsjeljabinsk-oblast

Tsjeljabinsk-oblast
Челябинская область
Die ligging van Tsjeljabinsk-oblast in Rusland.
Die ligging van Tsjeljabinsk-oblast in Rusland.
Politieke status
Land Russiese Federasie
Federale distrik Oeral
Ekonomiese streek Oeral
Stigting 17 Januarie 1934
Regering
Hoofstad Tsjeljabinsk
Leier Michail Joerjewitsj
Amp Goewerneur
Wetgewer Wetgewende Raad
Bevolking
Sensus 2010
Totaal 3 476 217
Volgorde 9de
Digtheid 39,55/km2
Stedelik 82%
Plattelands 18%
Statistiek
Oppervlakte 87 900 km2
Volgorde 36de
Tydsone UTC+06:00
Registrasienommer 74
Amptelike tale Russies
Webtuiste http://www.pravmin74.ru
Wapen en vlag

Portaal  Portaalicoon   Rusland

Tsjeljabinsk-oblast (Russies: Челя́бинская о́бласть, Tsjeljabinskaja oblast) is ’n deelgebied van Rusland in die Oeralgebergte, op die grens tussen Europa en Asië.[1][2][3] Dit lê in die Federale Distrik Oeral en die hoofstad is Tsjeljabinsk.

Die oblast het volgens die Russiese sensus van 2010[4] ’n inwonertal van 3 476 217.

Geskiedenis

[wysig | wysig bron]

Gedurende die Middeleeue het Basjkiriese stamme die suidelike streek van die Oeralgebergte bewoon. Hulle was deel van die Goue Horde, Nogai-horde en kleiner Basjkiriese groepe. Die Tsaredom Rusland het die gebied in die laat 16de eeu beset. Die Russiese kolonisasie van die streek het egter eers in die 18de eeu begin, met die vestiging van ’n stelsel forte en handelsposte in 1734 aan wat toe die Russiese grens was. Baie stede in die oblast, ook Tsjeljabinsk self, kan hulle geskiedenis na hierdie forte terugspeur.

In 1743 het die Tsjeljabinsk-fort die middelpunt geword van die Iset-provinsie, ’n deel van die Orenburg-goewernaat. Van die 1750's tot 1770's het nywerhede in die suidelike Oeral hulle verskyning begin maak. Nadat die streek herstel het van die Poegatsjof-rebellie van 1773-1775, het die gebied van die hedendaagse oblast meer mense uit die Europese deel van Rusland gelok. Teen die middel 19de eeu was Tsjeljabinsk ’n groot handelsentrum in die Oeral, en ná die bou van die Transsiberiese Spoorlyn in die 1890's het dit ’n belangrike vervoersentrum geword wat Siberië met die res van die Russiese Ryk verbind het.

Die setel van die oblast se regering in Tsjeljabinsk.

In 1919 het Tsjeljabinsk die streekhoofstad van die nuut gestigte Tsjeljabinsk-goewernaat van die Russiese SFSR geword wat oostelike dele van die Orenburg-goewernaat asook Koergan en die Tobolsk-goewernaat ingesluit het. In 1923 het dit met die Perm-, Jekaterinburg- en Tobolsk-goewernaat saamgesmelt en die Oeral-oblast gevorm, Dit het 10 jaar bestaan. In Januarie 1934 is die Tsjeljabinsk-oblast gestig. Sy huidige grense is gevorm toe Koergan in 1943 ’n aparte oblast geword het.

In die 1930's het die streek se ekonomie en nywerheidsbedryf aansienlik gegroei toe dit ’n sleutelfokuspunt van die eerste Sowjetse vyfjaarplan geword het.

Op 4 Julie 1997 het Tsjeljabinsk saam met die Brjansk-, Magadan-, Saratof- en Wologda-oblast ’n magdelingsooreenkoms met die federale regering gesluit waarvolgens outonomie aan hulle toegeken is.[5] Die ooreenkoms is op 2 Februarie 2002 afgeskaf.[6]

Op 15 Februarie 2013 het ’n meteoroïde van 10 000 ton die Aarde se atmosfeer oor Rusland binnegedring. Dit het oor die suidelike Oeralstreek beweeg en bo Tsjeljabinsk-oblast ontplof. Sowat 1 500 mense is na berig word beseer, baie deur glas wat deur ’n skokgolf uit vensters geskiet is. Tot 3 000 geboue in ses stede dwarsoor die oblast is beskadig. Die ontploffing was so groot dat dit helder oordag skadu's op die grond gegooi het.

Demografie

[wysig | wysig bron]

Die oblast het in 2010 altesaam 3 476 217 inwoners gehad.[4] Daarvolgens was 83,8% Russe, 5,4% Tatare, 4,8% Basjkiriërs, 1,5% Oekraïners en 1,05% Kasakke. Ander groepe sluit in Duitsers, Belarusse en Armeniërs.

Verwysings

[wysig | wysig bron]
  1. ↑ "Investing in Chelyabinsk city - Invest in Russia". Unvestunrussia.biz. Geargiveer vanaf die oorspronklike op 1 Desember 2020. Besoek op 9 Junie 2016.
  2. ↑ "On cooperation between the Chelyabinsk region and Japan" (PDF). Rotobo.or.jp. Besoek op 9 Junie 2016.
  3. ↑ "Invest in Ural". Investunural.com. Geargiveer vanaf die oorspronklike op 24 Februarie 2013. Besoek op 9 Junie 2016.
  4. ↑ 4,0 4,1 (ru) Оценка численности населения на 1 января 2014 года и в среднем за 2013 год Geargiveer 19 Oktober 2015 op Wayback Machine
  5. ↑ "Moscow Signs Power-Sharing Agreements With Five More Regions". Jamestown (in Engels (VSA)). 7 Julie 1997. Besoek op 2 Mei 2019.
  6. ↑ Chuman, Mizuki. "The Rise and Fall of Power-Sharing Treaties Between Center and Regions in Post-Soviet Russia" (PDF). Demokratizatsiya: 146. Geargiveer vanaf die oorspronklike (PDF) op 8 Maart 2019. Besoek op 2 Mei 2019.

Skakels

[wysig | wysig bron]

54°32′N 60°20′O / 54.533°N 60.333°O / 54.533; 60.333