Tweed

Harris Tweed geweef volgens visgraat-keperbinding, middel-20ste eeu

Tweed is 'n growwe tekstielstof van wol. Tweed het 'n sagte, oop, soepel tekstuur, wat aan Cheviot of tuisweefstof herinner, maar wat digter geweef is. Dit word gewoonlik volgens 'n effe-, keper- of visgraatbinding geweef. Kleureffekte in die drade kan verkry word deur gekleurde wol te meng voordat dit gespin word. ^[1]

Tweed is ikonies van tradisionele Skotse en Ierse klere; dit is geskik vir informele klere wat buitenshuis gedra word, ^[2] omdat die materiaal vogbestand en duursaam is. Tweed kan fel klimaatstoestande weerstaan ^[3] en word algemeen vir buitemuurse aktiwiteite soos skiet en jag, in sowel Ierland as Skotland, gedra. In Ierland word die vervaardiging van tweed nou meestal met die Donegal-distrik geassosieer, maar dit is oorspronklik oral in die land gemaak. In Skotland word die vervaardiging van tweed hoofsaaklik met Harriseiland in die Hebrides, geassosieer.

Etimologie

Die oorspronklike naam van die materiaal was tweel, Skots vir twill, met die tekstielstof wat volgens 'n keperbinding, eerder as effebinding, geweef is. Volgens oorlewing het die naam byna toevallig ontstaan. Omstreeks 1831 het 'n Londense handelaar 'n brief van 'n firma Hawick, Wm. Watson & Sons, Dangerfield Mills oor 'n aantal "tweels", ontvang. Die handelaar het die handskrif verkeerd geïnterpreteer en verstaan dat dit 'n handelsnaam is van die Tweedrivier, wat deur die Skotse grensgebied se tekstielarea loop. Die tekstielstof is daarna as tweed geadverteer en dit het sedertdien die naam gebly.

Assosiasies

Vervaardiging van tweed by 'n tekstielfabriek in Wallis, 1940

Tweed is tradisioneel vir die plattelandse jagbaadjies van die hoër klasse gebruik. Mettertyd het tweedkledingstukke ook onder die Edwardiaanse middelklasse, wat dit met die ontspanningsaktiwiteite van die elite vereenselwig het, gewild geword. Vanweë die duursaamheid daarvan was tweed as tekstielstof vir Norfolk-baadjies en pofbroeke gewilde keuses ^[4] vir jagters, fietsryers, gholfspelers en vroeë motoriste, vandaar Kenneth Grahame se uitbeelding van mnr. Padda in 'n pak klere van Harris-tweed. ^[5] Gewilde tweedpatrone sluit in tandruitstof, ^[6] wat met die 1960 modes geassosieer is, vensterglas, jagopsigtertweed, wat deur adademici gedra is, die Prins van Wallis-ruitstof, wat oorspronklik na aanleiding van 'n versoek van Edward VII geweef is, en visgraatweefpatrone. ^[7]

Gedurende die 2000's en 2010's het familielede van gevestigde Britse en Amerikaanse grondeienaars dikwels tweed kledingstukke van 'n hoë gehalte by hulle grootouers geërf; sommige van die kledingstukke het van voor die Tweede Wêreldoorlog dateer. ^{[8] [9]}

In die moderne tyd kan fietsryers tweed dra as hulle op antieke fietse aan 'n tweedfietswedren deelneem. Hierdie praktyk het ontstaan by jong Britse subkultuurgroepe van die laat 2000's en vroeë 2010's wat styl, egtheid en uniekheid nagestreef het. Die aanhangers het 'n waardering getoon vir antieke tweed sowel as antieke fietse. ^[10]

Fietsryers met tweedklere,Stockholm 2013

Musiekinstrumente

Sommige antieke Danemann-regop klaviere het 'n tweed ruglap om die interne meganisme te beskerm. Skotse doedelsakke word soms met tweed, as 'n alternatief vir tartanwol, bedek. ^[11]

Die term "tweed" word gebruik om bedekkings op instrumentekabels en antieke- of retro-kitaarversterkers te beskryf, soos die Fender-tweed en Fender tweed deluxe. Ondanks die algemene terminologie, is hierdie bedekkings nie in werklikheid tweed nie, maar wel katoenkeperstof.

Tipes tweed

• Harris tweed: 'n Handgeweefde tweed, wat in die Harris tweed-akte van 1993 gedefinieër word as materiaal wat "handgeweef is deur eilandbewoners in hul huise in die Buite-Hebride, afgewerk in Buite-Hebride, en gemaak van suiwer nuutwol, gekleur en gespin in die Buite-Hebride. "^[12]
• Donegal tweed: 'n Handgeweefde tweed wat in die Donegal-distrik, Ierland vervaardig word. Donegal vervaardig al eeue tweed uit plaaslike materiale. Skape floreer in die heuwels en moerasse van Donegal, en inheemse plante soos braambessies, bremstruike en mos word vir kleurstowwe gebruik.
• Sytweed: 'n Stof gemaak van rou sy met kleurspikkels wat tipies van woltweeds is.

Galery

• 
  Logo van Harris Tweed
• 
  Prins van Wallis-ruitstof, wat gereeld in die 1950's gebruik is om jasse en sportbaadjies te maak
• 
  Voorbeeld van visgraatbinding, 'n gewilde keuse vir pakke en klere wat buitenshuis gedra word
• 
  Tandruitstof, 'n tipe tweed wat gewild was onder die hoër klasse vanaf die 1860's tot die 1930's
• 
  Grey Donegal tweed-sportbaadjie
• 
  'n Takbok-jaghoed van geruite tweed
• 
  Vensterruit-tweed, gewild in die laat 19de eeu en weer in die 1970's
• 
  Frederik III met sy jong seun Wilhelm, met Skotse rokkies en tweed sportbaadjies
• 
  Jagklere wat in die dertigerjare aan Gustaf V van Swede behoort het.
• 
  Harris Tweed Nike
• 
  Charlie Hunter (links) kyk toe terwyl Old Tom Morris in 1863 op Prestwick speel. Albei die spelers dra tradisionele tweedklere.

Sien ook

• Britse klere vir die platteland
• Sportbaadjie
• Norfolk-baadjie
• 2010's kleremodes
• 2000's kleremodes
• 1970's kleremodes
• 1960 kleremodes
• 1950's kleremodes
• 1920's kleremodes
• Elfde Dokter

Bronne

• Corrigan, Vawn (2020). Irish Tweed: History, Tradition, Fashion. O'Brien Press. ISBN 9781788490214.
• "What is Tweed?". A Hume.
• Reynolds, Francis J., ed. (1921). "Tweed (cloth)". Collier's New Encyclopedia. New York: P.F. Collier & Son Company.
• National Library of Scotland: SCOTTISH SCREEN ARCHIVE (argieffilms met betrekking tot tweedvervaardiging in Skotland)
• Anderson, Fiona (2016). Tweed . London: Bloomsbury Academic Press. ISBN 978-1-84520-697-0 ISBN   978-1-84520-697-0 .

Verwysings

1. "Harris Tweed - The Cloth". The Harris Tweed Authority (in Engels). Geargiveer vanaf die oorspronklike op 17 Februarie 2016. Besoek op 1 Augustus 2015.
2. Fashion Institute of Technology (2006). ""The Tailor's Art" | Menswear Fabrics - A Glossary". The Museum at FIT. Geargiveer vanaf die oorspronklike op 2 Junie 2007. Besoek op 24 November 2008.
3. "Tweed Jackets | A Closely Woven Thing". Cad & the Dandy. 20 November 2015. Geargiveer vanaf die oorspronklike op 24 September 2020. Besoek op 19 Maart 2019.
4. Dutton, Edward (22 Augustus 2014). "How to wear a tweed suit in the 21st century". A Suit That Fits (in Engels (VSA)). Geargiveer vanaf die oorspronklike op 28 Maart 2019. Besoek op 26 Januarie 2016.
5. loopy_lucy14 (31 Oktober 1997). "Mr. Toad's Wild Ride (1996)". IMDb (in Engels). Geargiveer vanaf die oorspronklike op 1 Junie 2020. Besoek op 27 Julie 2011.
6. Dunbar, John Telfer (1984). The Costume of Scotland. London: Batsford. ISBN 0-7134-2534-2.
7. "The RL Style Guide | Glossary | Herringbone". Ralph Lauren. Geargiveer vanaf die oorspronklike op 19 September 2008. Besoek op 24 November 2008.
8. "Nigel Cabourn DB Tweed Jacket - Rare Classic Quality?". Grey Fox (in Engels). 5 September 2012. Geargiveer vanaf die oorspronklike op 24 November 2019. Besoek op 17 Oktober 2013.
9. Bath, Richard (25 Julie 2009). "Richard Bath: In defence of tweed". The Scotsman. JPIMedia Ltd. Geargiveer vanaf die oorspronklike op 19 Oktober 2013. Besoek op 17 Oktober 2013.
10. "#TheChapMag Vintage Garments". The Chap Magazine. 11 September 2012. Geargiveer vanaf die oorspronklike op 25 Oktober 2013. Besoek op 8 Augustus 2013.
11. Price, Richard (16 Maart 2013). "Harris Tweed Bagpipe Covers". The Big Cloth and Me (in Engels). Geargiveer vanaf die oorspronklike op 4 Maart 2016. Besoek op 8 Augustus 2013.
12. "About Us - Guardians of the Orb". The Harris Tweed Authority (in Engels). Geargiveer vanaf die oorspronklike op 15 Januarie 2016. Besoek op 1 Augustus 2015.

Eksterne skakels

• Wikimedia Commons het meer media in die kategorie Tweed.