Ugandese Krieketvereniging

Ugandese Krieketvereniging
Kenteken van die Ugandese Krieketvereniging
Kenteken van die Ugandese Krieketvereniging
Engelse naam Uganda Cricket Association
Afkorting UCA
Swahili-naam Shirikisho la Kriketi Uganda
Land Vlag van Uganda Uganda
Sportsoort Krieket
Stigting 1952
Lid van Internasionale Krieketraad
Aangesluit in 1998
Vastelandse beheerliggaam Afrikakrieketvereniging
Voorsitter Michael Nuwagaba
Hoof- uitvoerende beampte Alan Mugume
Setel Kampala, Uganda
Amptelike tale Engels en Swahili
Amptelike webwerf ugandacricket.com

Die Ugandese Krieketvereniging (Engels: Uganda Cricket Association, afgekort “UCA”; Swahili: Shirikisho la Kriketi Uganda) is die bestuursliggaam wat krieket in Uganda beheer. Die beheerliggaam is in 1952 gestig en in Kampala gesetel. Sedert 1998 verteenwoordig dit Uganda by die Internasionale Krieketraad (IKR) as ’n assosiaatlid en ook by die Afrikakrieketvereniging (Africa Cricket Association, “ACA”).

Geskiedenis

[wysig | wysig bron]

Die Ugandese Krieketvereniging is in 1952 gestig[1] en het in 1998 ’n assosiaatlid van die Internasionale Krieketraad (IKR) geword.[2] In dieselfde jaar het hulle by die Afrikakrieketvereniging (Africa Cricket Association, “ACA”) aangesluit.[3]

Taak

[wysig | wysig bron]

Die Ugandese Krieketvereniging organiseer verskeie nasionale spanne, insluitend Uganda se nasionale seniorkrieketspan vir mans (die Cricket Cranes), vroue en jeug. Hulle is ook verantwoordelik vir die bestuur en organisasie van T20I-reekse teen ander spanne, en vir die reëling van internasionale wedstryde tuis. Daarbenewens is die Ugandese Krieketvereniging verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Ugandese span.

Daarbenewens bestuur die beheerliggaam kinder- en jeugkrieket in Uganda. Net soos ander krieketlande beskik Uganda oor ’n o/19-nasionale span wat aan die o/19-krieketwêreldbeker deelneem.[4]

Die beheerliggaam reël ook die plaaslike kompetisies. Onder andere reël hulle saam met Kenia die Oos-Afrikaanse Beker en die Oos-Afrikaanse Premierliga.

Kenteken

[wysig | wysig bron]

Die Ugandese nasionale krieketspan se bynaam is Cricket Cranes.[5] Die Ugandese Krieketvereniging se kenteken toon derhalwe ’n mahem.

Verwysings

[wysig | wysig bron]
  1. ↑ (en) "A Timeline of Uganda Cricket". Europese Krieketraad. Geargiveer vanaf die oorspronklike op 17 Februarie 2011. Besoek op 17 Februarie 2011.
  2. ↑ (en) "Uganda Cricket Association". Internasionale Krieketraad. Besoek op 9 Februarie 2024.
  3. ↑ (en) "Members". Afrikakrieketvereniging. Besoek op 9 Februarie 2024.
  4. ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 9 Februarie 2024.
  5. ↑ (en) "Cricket Cranes make history with T20 World Cup qualification". Kawowo Sports. Besoek op 9 Februarie 2024.

Eksterne skakels

[wysig | wysig bron]