Universiteit van Canterbury
Die Universiteit van Canterbury in Christchurch in Nieu-Seeland is in 1873 as Canterbury College gestig. Canterbury is die naam van die groot streek langs die ooskus van die noordelike deel van Nieu-Seeland se Suid-eiland. Dit was die tweede universiteit in die land. Die eerste universiteit is in 1869 by Dunedin in die suidoostelike deel van die Suid-eiland gestig.
Die struktuur van die universiteit is baie dieselfde as dié van die Universiteit van Cambridge en die Universiteit van Oxford in Engeland. Die universiteit is in die middel van Christchurch gehuisves, in geboue in klassieke Neogotiese Engelse styl. Tussen 1961 en 1975 het die universiteit stap vir stap na 'n nuwe kampus in die westelike distrik van Ilam verhuis.
Daar is vyf fakulteite, genaamd:
Kollege vir Kuns, Kollege vir Onderwys, Gesondheid en Menslike Ontwikkeling, Kollege vir Ingenieurswese, Kollege vir Wetenskap, Kollege vir Besigheid en Regte.
Die universiteit het buiteposte in Kaikōura, Cass, Westport en Harihari, op die sub-Antarktiese Snares-eilande, in Antarktika, sowel as Aotearoa, Nieu-Seeland se belangrikste astronomiese sterrewag by Mount John University Observatory op 'n heuwel aan die Tekapo-meer op die Suid-eiland.
Vooraanstaande wetenskaplikes van buite Nieu-Seeland kan as besoekende dosente uitgenooi word met 'n Erskine Fellowship. Hierdie gasdosente (ongeveer 70 per jaar) word vir hul reiskoste en die verblyf van drie maande vergoed.[1][2]
Verwysings
[wysig | wysig bron]- ↑ "The Star 04-05-17". issuu. Geargiveer vanaf die oorspronklike op 18 Oktober 2021. Besoek op 12 Mei 2017.
- ↑ "Shanghai Ranking-Universities". www.shanghairanking.com. Geargiveer vanaf die oorspronklike op 25 Julie 2021. Besoek op 25 Julie 2021.
