Upper Canada Village
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Upper Canada Village
Riverside naby Morrisburg, Ontario, .svg){kind=small}
Kanada
Bestuur
St. Lawrence Parks
Openingstye
Middel van Mei tot September
Webtuiste
www.uppercanadavillage.com
Upper Canada Village is 'n erfenispark en historiese opelugmuseum in die dorp Riverside naby Morrisburg in die Kanadese provinsie Ontario wat met 'n veertigtal geboue, waaronder meule, saagmeule en werkwinkels, die landelike lewe in Bo-Kanada omstreeks 1860 uitbeeld. Die erfenispark, wat deur die St. Lawrence Parks Commission bestuur word en in 1961 geopen is, sluit ook 'n monument ter nagedagtenis aan die Slag van Crysler's Farm in wat tydens die Anglo-Amerikaanse Oorlog van 1812 plaasgevind het. Die oorspronklike slagveld het in die water van die Sint-Laurens-waterweg verdwyn.
Geskiedenis
[wysig | wysig bron]Die museum het sy ontstaan aan tegniese vooruitgang te danke. Toe boubedrywighede vir die Sint-Laurens-waterweg in 1958 begin het, sou tien dorpe in die gebied, wat as die Verlore Dorpe bekend gestaan het, in die water van die nuwe kanaal verdwyn. Daar is besluit om tientalle 18de en 19de eeuse geboue uit die nedersettings te bewaar en as deel van 'n erfenisprojek na die huidige museumterrein te verskuif. Ander geboue uit die Verlore Dorpe is in Ault Park herbou waar hulle deur die Lost Villages Historical Society bestuur word. Museumpersoneel van Upper Canada Village in historiese kostuums weef stowwe, bak brood, maak botter of verkoop kruideniersware en ander benodigdhede in historiese winkels.
In 2009 het die St. Lawrence Parks Commission die omstrede besluit geneem om die erfenispark te herstruktureer. 39 lede van die museumpersoneel, wat tydens historiese voorstellings onder meer as smede, wewers, meulenaars en kuipers opgetree het, is ontslaan.
Eksterne skakels
[wysig | wysig bron]
Wikimedia Commons het meer media in die kategorie Upper Canada Village.- (en) Amptelike webwerf
