VSA Krieket

VSA Krieket
Kenteken van VSA Krieket
Kenteken van VSA Krieket
Engelse naam USA Cricket
Afkorting USAC
Land Vlag van Verenigde State van Amerika Verenigde State
Sportsoort Krieket
Stigting Junie 2017 (1961)
Lid van Internasionale Krieketraad
Aangesluit in 2018
Vastelandse beheerliggaam IKR Amerikas
Voorsitter Venu Pisike
Hoof- uitvoerende beampte Noor Mohammad Murad
Setel Dallas, Texas, Verenigde State
Amptelike taal Engels
Amptelike webwerf usacricket.org

VSA Krieket (Engels: USA Cricket, afgekort “USAC”) is die bestuursliggaam wat krieket in die Verenigde State beheer en is in Dallas gesetel. Die beheerliggaam is in 2017 gestig en het die Amerikaanse Krieketvereniging (United States of America Cricket Association, “USACA”) vervang, wat in 1961 gestig is. Sedert 2018 verteenwoordig dit die Verenigde State by die Internasionale Krieketraad (IKR) as ’n assosiaatlid en ook by die IKR Amerikas (ICC Americas).

Geskiedenis

[wysig | wysig bron]

Die Amerikaanse Krieketvereniging (United States of America Cricket Association, “USACA”) is in 1961 gestig en in 1965 het dit ’n assosiaatlid van die Internasionale Krieketraad (IKR) geword.[1] In 2007 is die Amerikaanse Krieketvereniging deur die IKR geskors en die nasionale span van die wêreldkrieketliga se afdeling drie uitgesluit, waarmee hulle nie meer vir die Krieketwêreldbeker 2011 kon kwalifiseer nie.[2] Die skorsing was die gevolg van ’n interne dispuut oor ’n grondwet vir die nasionale beheerliggaam. Vroeg in 2008 is die geskil opgelos en die skorsing op 1 April dieselfde jaar opgehef.[3]

Op 22 Junie 2017 het op die IKR se jaarlikse vergadering in Londen die IKR se volle rad eenparig besluit – ná aanleiding van ’n aanbeveling deur die Raad in April, en ’n onlangse verhoor oor geskilbeslegtingskomitees voor Michael Beloff, wat in Junie 2017 afgehandel is – om die Amerikaanse Krieketvereniging uit te sluit. Dit het die beheerliggaam se weiering om ’n deur die IKR goedgekeurde grondwet aan te neem ingesluit.[4] In dieselfde maand is ’n nuwe goedgekeurde beheerliggaam, VSA Krieket, gestig en in 2018 het hulle as ’n geassosieerde lid by die IKR aangesluit.[5][6][7]

Taak

[wysig | wysig bron]

VSA Krieket organiseer verskeie nasionale spanne, insluitend die Verenigde State se nasionale seniorkrieketspan vir mans, vroue en jeug. Hulle is ook verantwoordelik vir die bestuur en organisasie van EDI- en T20I-reekse teen ander spanne, en vir die reëling van internasionale wedstryde tuis. Daarbenewens is VSA Krieket verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Verenigde State se span. Die Amerikaanse Maagde-eilande, ’n eilandgebied van die Verenigde State, is ’n lid van Krieket Wes-Indië, waarvolgens van sy spelers vir die Wes-Indiese nasionale krieketspan gekeur mag word.[8]

Daarbenewens bestuur die beheerliggaam kinder- en jeugkrieket in die Verenigde State. Net soos ander krieketlande beskik die Verenigde State oor ’n o/19-nasionale span wat aan die o/19-krieketwêreldbeker deelneem.[9]

Die beheerliggaam reël ook die plaaslike kompetisies. Die professionele Major League Cricket, waaraan in 2024 ses spanne deelneem, is die belangrikste krieketliga in die Verenigde State en is in 2023 ten einde van die Amerikaanse krieket se verdere ontwikkeling gestig. Benede die Major League Cricket word sedert 2021 die Minor League Cricket beslis, waaraan in 2024 26 spanne deelneem.

Die huisvesting van internasionale toernooie is ook een van hul take. VSA Krieket het saam met Wes-Indië die T20I-wêreldbeker 2024 aangebied.[10]

Kenteken

[wysig | wysig bron]

VSA Krieket se kenteken toon ’n rooi krieketkolf voor ’n rooi-wit-gestreepte skild met die wit belettering USA Cricket onder op ’n blou agtergrond; wit, blou en rooi is die Verenigde State se nasionale kleure.

Sien ook

[wysig | wysig bron]

Verwysings

[wysig | wysig bron]
  1. ↑ (en) Deb Das (18 Januarie 2006). "Cricket in the USA". ESPNcricinfo. Besoek op 12 Februarie 2024.
  2. ↑ (en) "ICC suspends USA Cricket Association". ESPNcricinfo. 3 Maart 2007. Besoek op 12 Februarie 2024.
  3. ↑ (en) "ICC welcomes back USA". Europese Krieketraad. 1 April 2008. Geargiveer vanaf die oorspronklike op 26 Julie 2022. Besoek op 26 Julie 2022.
  4. ↑ (en) Peter Della Penna (22 Junie 2017). "USACA expelled by the ICC". ESPNcricinfo. Besoek op 12 Februarie 2024.
  5. ↑ (en) "USA Cricket". Internasionale Krieketraad. Besoek op 12 Februarie 2024.
  6. ↑ (en) Peter Della Penna (27 November 2018). "USA plan to launch their T20 League in 2021". ESPNcricinfo. Besoek op 12 Februarie 2024.
  7. ↑ (en) Peter Della Penna (8 Januarie 2019). "USA formally approved to rejoin ICC as Associate Member under USA Cricket". ESPNcricinfo. Besoek op 12 Februarie 2024.
  8. ↑ (en) "West Indies as separate cricketing countries?". Emerging Cricket. 8 Julie 2020. Besoek op 12 Februarie 2024.
  9. ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 12 Februarie 2024.
  10. ↑ (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 18 Desember 2023.

Eksterne skakels

[wysig | wysig bron]