Vierpootskoenlapper

Nymphalidae
Wetenskaplike klassifikasie
Koninkryk:	Animalia
Filum:	Arthropoda
Klas:	Insecta
Orde:	Lepidoptera
Superfamilie:	Papilionoidea
Familie:	Nymphalidae Rafinesque, 1815
Subfamilies
Apaturinae Biblidinae Calinaginae Charaxinae Cyrestinae Danainae Heliconiinae Libytheinae Limenitidinae Morphinae Nymphalinae Satyrinae
Diversiteit
Meer as 600 genera Omtrent 5 700 spesies

Vierpotige of borselpotige skoenlappers (Nymphalidae) is die grootste familie van skoenlappers met ongeveer 6 000 spesies wat oor alle kontinente, met die uitsondering van Antarktika, voorkom.^[1] Hulle is tipies kleurryk, gewoonlik medium-groot tot groot en die twee voorpote is onderontwikkeld.

Kenmerke

Dié skoenlappers gebruik slegs hulle middelste en agterste paar pote om mee te loop. Die twee voorpote, wat opgekrul word, is toegerus met borseltjies en het nie kloue nie. Om dié rede word hulle borselpoot- of vierpootskoenlappers genoem.^[2]

Vierpootskoenlappers het 'n kenmerkende vlug, na elke vlerkslag is daar 'n glyvlug. Die bokant van die vlerke is dikwels opvallend gekleurd, terwyl die onderkant altyd gekamoefleerd is. Hulle hou hul kleurryke vlerke plat wanneer hulle rus, en regop om in die omgewing weg te smelt. Die vlerk se spanwydte wissel van 3 tot 15 cm. Die geslagte het meestal verskillende kleure.

Die ruspes is gewoonlik harig of het stekels. Die papies het dikwels blink kolle. Die voorpote van die skoenlappers is nie ten volle ontwikkel nie, en dit lyk of hulle net vier pootjies het. Die voorpote word nie (soos die ander pote) gebruik om aan blare vas te klou nie, maar om die kop en antennes (voelhorings) skoon te maak.

Die volwasse skoenlapper se voeding bestaan uit verskeie vloeistowwe. Hulle kan met vrugte, mis, karkasse, urine en selfs sekere brandstowwe gelok word.

Voortplanting

Ronde eiers word in groepe op die blare van bome, struike en kruidagtige plante gelê. Die papie vertoon dikwels opvallende, vratagtige bulte en hang aan die punt van sy agterlyf van die gasheerplant af.

Subfamilies

• Apaturinae
• Biblidinae
• Calinaginae
• Charaxinae
• Cyrestinae
• Danainae
• Heliconiinae
• Ithomiinae (soms in die subfamilie Danainae geplaas)
• Libytheinae
• Limenitidinae
• Morphinae (soms in die subfamilie Satyrinae geplaas)
• Nymphalinae
• Satyrinae^[1][3]

Fotogalery

• 
  'n Sondagsrokkie (Vanessa cardui)
• 
  'n Suidelike melkbosskoenlapper (Danaus chrysippus)
• 
  Padwagtertjie (Junonia orithya)
• 
  Aglais urticae
• 
  Apatura iris
• 
  Danaus plexippus
• 
  Junonia coenia
• 
  Libytheana carinenta
• 
  Limenitis archippus
• 
  Nymphails antipoa
• 
  Sondagsrokkie (Vanessa cardui)

Verwysings

1. Wahlberg, Niklas; Brower, Andrew V. Z. "Nymphalidae". Tree of Life (in Engels). Geargiveer vanaf die oorspronklike op 7 Junie 2020. Besoek op 17 November 2009.
2. Charles A. Triplehorn and Norman F. Johnson (2005). Borror and Delong's Introduction to the Study of Insects (7th Edition). Thomas Brooks/Cole, Belmont, CA. ISBN 0-03-096835-6
3. Gerardo Lamas (edited by) (2004). Atlas of Neotropical Lepidoptera. Checklist: Part4A. Hesperioidea-Papilionoidea. Scientific Publishers, Inc., Gainesville, FL. ISBN 0-945417-28-4

Eksterne skakels

• Wikimedia Commons het meer media in die kategorie Vierpootskoenlapper.
• Wikispecies het meer inligting verwant aan Vierpootskoenlapper