Vin Diesel

Vin Diesel
Vin Diesel in 2013
Geboortenaam	Mark Sinclair
Geboorte	18 Julie 1967 (1967-07-18) (57 jaar oud) Alameda Country, Kalifornië
Nasionaliteit	Verenigde State
Ouers	Delora Sherleen Vincent (moeder)
Lewensmaat	Paloma Jimenez (2007–hede)
Kinders	3
Beroep(e)	Akteur, vervaardiger, regisseur, draaiboekskrywer
Aktiewe jare	1990–hede
Webwerf	vindiesel.com
Internet-rolprentdatabasis-profiel

Mark Sinclair^[1][2] (gebore 18 Julie 1967), beter bekend onder sy verhoognaam, Vin Diesel, is 'n Amerikaanse akteur, vervaardiger, regisseur en draaiboekskrywer. Hy is bekend vir sy rol as Dominic Toretto in die The Fast & the Furious-filmreeks en Richard B. Riddick in die The Chronicles of Riddick-reeks. Hy was ook 'n vervaardiger van albei se opvolgreekse.

Diesel het ook in films soos xXx (2002) en Find Me Guilty (2006) gespeel. Sy stem is in The Iron Gaint (1999), die videospeletjieweergawes van die The Chronicles of Riddick-franchise, en Guardians of the Galaxy (2014) gebruik. Hy het die kortfilm Multi-Facial geskryf, dit geregisseer, vervaardig en ook die hoofrol daarin vertolk. Hy is die stigter van die produksiemaatskappye One Race Films, Racetrack Records en Tigon Studios.

Vroeë lewe

Diesel en sy tweelingbroer, Paul, is in Alameda County, Kalifornië, gebore.^[1][3][4] Hul moeder, Delora Sherleen (Sinclair) Vincent, is 'n astroloog.^[5][6] Volgens Diesel is hy "van dubbelsinnige etnisiteit".^[7] Sy moeder is onder meer van Engelse, Duitse en Skotse afkoms.^[8] Hy het nooit sy biologiese vader ontmoet nie, en het gesê "volgens my moeder is ek verbind aan baie verskillende kulture".^[9] Diesel self identifiseer as "beslis 'n persoon van kleur".^[10] Hy is in New York deur sy moeder en stiefpa, Irving H. Vincent, 'n waarnemende instrukteur en teaterbestuurder, grootgemaak.^[4][10][11]

Diesel het sy verhoogdebuut op die ouderdom van sewe gemaak toe hy in die kinderkonsert Dinosaur Door verskyn wat deur Barbara Garson geskryf is. Dit is deur Theater for the New City aangebied. Dit is nadat hy, sy broer en 'n paar vriende by die teater ingebreek het met die doel om dit te vandaliseer. Hulle is gekeer deur die teater se artistieke direkteur, Kristal Veld, wat aangebied het om hulle rolle in die komende vertoning te gee in plaas daarvan om die polisie te bel.^[12][13][14] Diesel het by die teater betrokke gebly en die stad se Hunter College bygewoon, waar sy studie in kreatiewe skryfwerk gelei het tot die skryf van draaiboeke. Hy het homself beskou as 'n akteur met "vele fasette"^[15] as gevolg van probleme in die verlede om rolle te kry weens sy gemengde afkoms.^[15][16]

Loopbaan

1990's

Diesel in 2009 op die première vir Fast & Furious.

Diesel se eerste rol was 'n kort verskyning sonder krediet in Awakenings (1990). Hy het die kortfilm Multi-Facial (1994) geskryf, dit geregisseer, vervaardig en ook die hoofrol daarin vertolk. Dit was ’n kort halfoutobiografiese film oor 'n sukkelende akteur wat in die oudisieproses verstrengel raak. Die film is in 1995 op die Cannes-rolprentfees vertoon. Sy eerste vollengteprent was Strays (1997), 'n stedelike drama waarin hy die rol van 'n bendeleier speel wie se liefde vir 'n vrou hom inspireer om te probeer verander. Die prent, wat deur Diesel geskryf, geregisseer en vervaardig is, is gekies vir kompetisie op die Sundance-fees van 1997 en dit het gelei tot 'n kontrak met MTV om dit in 'n reeks te omskep. Hy is daarna gekies vir Steven Spielberg se Oscar-bekroonde film Saving Private Ryan van 1997. In 1999 was hy die stem van die titelkarakter in die animasieprent The Iron Giant.

2000's

Fast Five-akteurs saam met Natalie Morales vir NBC se Today.

Diesel het 'n belangrike rol in die dramariller Boiler Room (2000) gespeel. Se medesterre was Giovanni Ribisi en Ben Affleck. Hy het sy deurbraak later daardie jaar gemaak in die hoofrol van die anti-held Riddick in die wetenskapsfiksiefilm Pitch Black. Diesel het aksieheldstatus bereik met sy treffers The Fast & the Furious (2001) en xXx (2002).^{[verwysing benodig]}

Filmografie

Jaar	Titel	Rol	Notas
1990	Awakenings	Oppasser	Geen krediet
1994	Multi-Facial	Mike	Kortfilm Skrywer, vervaardiger, regisseur
1997	Strays	Rick	Skrywer, vervaardiger, regisseur
1998	Saving Private Ryan	Weerman Adrian Caparzo
1999	The Iron Giant	Titelrol	Stem
2000	Boiler Room	Chris Varick
	Pitch Black	Richard B. Riddick
2001	The Fast & the Furious	Dominic Toretto
	Knockaround Guys	Taylor Reese
2002	xXx	Xander Cage	Uitvoerende vervaardiger
2003	A Man Apart	Sean Vetter	Vervaardiger
2004	The Chronicles of Riddick	Richard B. Riddick
	The Chronicles of Riddick: Dark Fury		Stem
2005	The Pacifier	Luitenant Shane Wolfe
2006	Find Me Guilty	Jack DiNorscio
	The Fast & the Furious: Tokyo Drift	Dominic Toretto	Geen krediet
2008	Babylon A.D.	Hugo Cornelius Toorop
2009	Los Bandoleros	Dominic Toretto	Kortfilm Skrywer, vervaardiger, regisseur
	Fast & Furious		Vervaardiger
2011	Fast Five
2013	Fast & Furious 6
	Riddick: Blindsided	Richard B. Riddick	Kortfilm Stem
	Riddick	Richard B. Riddick	Vervaardiger
2014	Guardians of the Galaxy	Groot	Stem
	Life is a Dream	Uitvoerende vervaardiger
2015	Furious 7	Dominic Toretto	Vervaardiger
	The Last Witch Hunter	Kaulder
2016	Billy Lynn's Long Halftime Walk	Shroom
2017	xXx: The Return of Xander Cage	Xander Cage	Vervaardiger
	Fast 8	Dominic Toretto
	Guardians of the Galaxy Vol. 2	Groot	Stem

Verwysings

1. Mark Sinclair birth record, California Birth Index.
2. "Diesel breaks silence over Walker".
3. Paul Sinclair birth record at California Birth Index.
4. "Vin Diesel Biography (1967–)".
5. "CNN.com – Vin Diesel: From nightclub bouncer to action hero – 12 Augustus 2002" Geargiveer 2 April 2010 op Wayback Machine.
6. "Vincent, Irving H". encyclopedia.com.
7. Vincent, Mal (22 Junie 2001).
8. "VinDiesel explains why Glasgow was perfect to shoot Fast 6" Geargiveer 18 Junie 2013 op Wayback Machine.
9. "Diesel mixes it up".
10. "Diesel is running hot".
11. Pearlman, Cindy (9 Augustus 2002).
12. Krulik, Nancy E. (1 November 2002).
13. Vincent, Mal (9 Augustus 2002). "xXx".
14. Wloszcyna, Susan (4 Junie 2004).
15. Thrupkaew, Noy (16 Augustus 2002).
16. "Vin Diesel Shifts Acting Career into High Gear In 'The Fast and the Furious'".

Eksterne skakels

Wikimedia Commons bevat media in verband met Vin Diesel.

• (en) Amptelike webwerf
• (en) Vin Diesel in die Internet-rolprentdatabasis