Vlag van Kasakstan

Vlag van Kasakstan

Vlag van Kasakstan
Bynaam	Қазақстан Республикасының мемлекеттік туы
Gebruik	Burgerlike- en staatsvlag en vaandel
Verhouding	1:2
Goedgekeur	4 Junie 1992[1]
Ontwerp	’n Goue son-en-arend-motief in die middel van ’n eenvoudige blou baan met ’n vertikale ornamentele patroon op die vlagpaalkant.
Ontwerp deur	Shaken Niyazbekov
Wisselvormvlag van Kasakstan
Gebruik	Staatsvaandel
Verhouding	1:2
Ontwerp	Die vlootvaandel in die skildhoek op ’n vlootblou vlag.

Die nasionale vlag van Kasakstan is op 4 Junie 1992 amptelik in gebruik geneem. Die vlag vertoon ’n goue son-en-arend-motief in die middel van ’n eenvoudige blou baan met ’n vertikale ornamentele patroon op die vlagpaalkant.

Simboliek

Die ornamentele patroon stel die kuns en kulturele tradisies van die ou kanaat en die Kasakke voor. Die ligblou agtergrond stel die verskeie Turkse volkere voor wat deel uitmaak van die hedendaagse bevolking van die land, insluitend die Kasakke, Tartare, Oeigoere, Oesbeke en andere. Die ligblou stel ook vrede, vryheid, kulturele en etniese eenheid van die Kasakse nasie. Die son stel die bron van lewe en energie voor. Dit is ook ’n simbool van rykdom en oorvloedigheid; die son se 32 strale is soos graan wat die basis van oorvloedigheid en welvaart is.

Mense van verskillende Kasakse stamme het vir eeue reeds ’n goue arend op hul vlae gehad. Die steppe-arend stel die mag van die staat voor. Vir die moderne nasie van Kasakstan is die arend ’n simbool van onafhanklikheid, vryheid en die toekoms.^[2]

Ontwerp

Die vlag van Kasakstan het ’n goue son met 32 strale oor ’n swewende goue steppe-arend, albei gesentreer op ’n eenvoudige hemelsblou baan; op die wapperkant is ’n nasionale ornamentele patroon “kosjkar-muïz” (die ramshoring) in goud. Die dimensies van die vlag is in ’n verhouding van 1:2.^[3]

Ander vlae

Vorige vlae

• 
  Vlag van die Alasj Outonomie, 1917 tot 1920
• 
  Vlag van die Kasakse SSR, 1937 tot 1940
• 
  Vlag van die Kasakse SSR, 1940 tot 1953
• 
  Vlag van die Kasakse SSR, 1953 tot 1991

Verwante vlae

• 
  Vlootvaandel van Kasakstan
• 
  Vlootgeus van Kasakstan
• 
  Presidensiële Standaard van Kasakstan, 1991 tot 2013
• 
  Presidensiële Standaard van Kasakstan
• 
  Variant van die vlag van Kasakstan

Verwysings

1. (en) "Kasakstan". Flags of the World. Geargiveer vanaf die oorspronklike op 29 Januarie 2020. Besoek op 9 April 2021.
2. (en) Kazakhstan national flag
3. (en) CIA – Die Wêreldfeiteboek Geargiveer 9 Augustus 2010 op Wayback Machine

Eksterne skakels

Wikimedia Commons bevat media in verband met Vlae van Kasakstan.

• (en) Kasakstan by Flags of the World.
• (en) "Flag of Kazakhstan". Encyclopædia Britannica. Besoek op 9 April 2021.

Hierdie artikel is in sy geheel of gedeeltelik vanuit die Engelse Wikipedia vertaal.