Vlag van Malawi

Vlag van Malawi

Vlag van Malawi
Gebruik	Nasionale vlag en vaandel
Verhouding	2:3
Goedgekeur	6 Julie 1964
Ontwerp	’n Driekleur in swart, rooi en groen met ’n rooi opkomende son in die swart baan.

Die nasionale vlag van Malawi is op 6 Julie 1964 amptelik in gebruik geneem. Die vlag vertoon ’n driekleur met ewe wye bane in swart (bo), rooi (middel) en groen (onder). In die middel van die boonste (swart) baan is ’n rooi opkomende son. Op 29 Julie 2010 is die vlag onder die President Bingu wa Mutharika verander ná ’n driekleur in rooi, swart en groen met ’n wit opkomende son in die swart baan.^[1][2] Op 28 Mei 2012 het die nuwe President Joyce Banda die veranderinge teruggerol en die ou vlag weer ingesit.^[3][4]

Simboliek

Swart stel die mense van Afrika voor, rooi is ’n huldeblyk aan die bloed wat gevloei het in die stryd om vryheid en groen stel die vrugbare grond voor. Die opkomende son simboliseer die aanbreek van onafhanklikheid vir Malawi en dien ook as herinnering aan die betekenis van die naam “Malawi”, wat “brandende water” beteken (’n beskrywing van die Njassameer (Malawimeer) tydens sonsondergang). Die opkomende son word ook gevind op die Malawiese wapenskild.^[5]

Ontwerp

Die kortstondige vlag van Malawi is soortgelyk aan die vlag van die Republiek van Biafra (wat tussen 1967 en 1970 bestaan het).

Kleure

Die kleure van die vlag is soos volg bepaal:^[6]

	Swart	Rooi	Groen
Britse Standaardkleure	0-000	0-005	0-010

Ander vlae

• 
  Vlag van die Brits-Sentraal-Afrikaanse Protektoraat, 1891 tot 1914
• 
  Vlag van Njassaland, 1914 tot 1953
• 
  Vlag van die Federasie van Rhodesië en Njassaland, 1953 tot 1963
• 
  Vlag van Malawi, 31 Julie 2010 tot 28 Mei 2012
• 
  Vlag van die President van Malawi

Soortgelyke vlae

• 
  Vlag van Kenia
• 
  Pan-Afrikaanse vlag
• 
  Vlag van Suid-Soedan

Verwysings

1. (en) Malawi fly new modified flags despite public outcry Geargiveer 4 Augustus 2010 op Wayback Machine
2. (en) Bingu endorses new Flag Bill
3. (en) Malawi Parliament approves to revert to original flag Geargiveer 27 Desember 2012 op Wayback Machine, Nyasa Times
4. (en) Malawi reverts to old flag, Times Live
5. (en) Greig, Charlotte. The Dictionary of Flags. Grange Books. ISBN 1-84013-758-4
6. (en) Malawi by Flags of the World. Besoek op 14 Mei 2019.

Eksterne skakels

Wikimedia Commons bevat media in verband met Vlae van Malawi.

• (en) Malawi by Flags of the World
• (en) "Flag of Malawi". Encyclopædia Britannica. Besoek op 14 Mei 2019.