Vlag van die Dominikaanse Republiek

Vlag van die Dominikaanse Republiek

Vlag van die Dominikaanse Republiek
Gebruik	Nasionale vlag en Staatsvaandel
Verhouding	5:8
Goedgekeur	6 November 1844[1]
Ontwerp	’n Wit Sint Joriskruis met twee blou en twee rooi reghoeke en die landswapen in die middel van die kruis.
Wisselvormvlag van die Dominikaanse Republiek
Gebruik	Burgerlike vaandel
Verhouding	2:3
Ontwerp	’n Wit Sint Joriskruis met twee blou en twee rooi reghoeke.
Wisselvormvlag van die Dominikaanse Republiek
Gebruik	Vlootvaandel
Verhouding	1:2
Ontwerp	’n Wit Sint Joriskruis met twee blou en twee rooi reghoeke en die landswapen in die middel van die kruis.

Die nasionale vlag van die Dominikaanse Republiek is op 6 November 1844 amptelik in gebruik geneem. Die vlag vertoon ’n wit Sint Joriskruis met ’n blou reghoek bo aan die vlagpaalkant en onder aan die wapperkant en ’n rooi reghoek onder aan die vlagpaalkant en bo aan die wapperkant; die landswapen verskyn in die middel van die kruis.

Simboliek

Wapen van die Dominikaanse Republiek

Die kleure op van die vlag stel elk iets voor. Blou stel Vryheid of die lug voor, rooi kan die bloed van die patriotte voorstel wat gevloei het in die stryd om onafhanklikheid en die wit is ’n simbool van opoffering en dit stel waardigheid, die rustige karakter van die Dominikane en hul toewyding tot vrede voor.^[1]

Ontwerp

Kleure

Die kleurskema word hieronder gelys:

	Blou	Rooi	Wit
RGB	0,45,98	206,17,38	255,255,255
Heksadesimaal	#002d62ff	#ce1126ff	#FFFFFF
CMYK	100 – 54 – 0 – 62	0 – 92 – 82 – 19	0 – 0 – 0 – 0

Ander vlae

• 
  Vlag van die Dominikaanse Republiek tot en met 1844
• 
  Rondeau van die Lugmag van die Dominikaanse Republiek
• 
  Vlootgeus van die Dominikaanse Republiek
• 
  Lugmagvaandel van die Dominikaanse Republiek
• 
  Weermagvaandel van die Dominikaanse Republiek
• 
  Vlag van die Hooggeregshof van die Dominikaanse Republiek
• 
  Polisievaandel van die Dominikaanse Republiek
• 
  Standaard ter see van die President van die Dominikaanse Republiek

Geskiedenis

Die vlag van die Dominikaanse Republiek is afgelei van die vlag van La Trinitaria, wat op sy beurt gebaseer is op die vlag van Haïti. Op 27 Februarie 1844 het die Dominikaanse Republiek onafhanklik geword en van 6 November 1844 het hulle ’n eie vlag gebruik. Hierdie vlag het, net soos die huidige vlag, bestaan uit vier vlakke wat geskei is deur ’n wit kruis. In die vlag van 1844 was die boonste twee vlakke blou en die onderste twee vlakke rooi. Vanaf 1861 was die Dominikaanse Republiek onder Spaanse bestuur maar in 1863 is daar oorlog (wat twee jaar sou duur) gevoer teen die Spanjaarde. Op 14 September 1863 is ’n nuwe vlag vasgestel wat sedertdien steeds in gebruik is.

Verwysings

1. "Dominikaanse Republiek" (html) (in Engels). fotw.net. Geargiveer vanaf die oorspronklike op 17 Oktober 2000. Besoek op 22 Mei 2019.

Eksterne skakels

Wikimedia Commons bevat media in verband met Vlae van die Dominikaanse Republiek.

• (en) Dominikaanse Republiek by Flags of the World.
• (en) "Flag of the Dominican Republic". Encyclopædia Britannica. Besoek op 22 Mei 2019.

Hierdie artikel is in sy geheel of gedeeltelik vanuit die Nederlandse Wikipedia vertaal.